75వ సినిమా మొదలైంది

రవితేజ 75వ సినిమా షూటింగ్‌ మంగళవారం పూజాకార్యక్రమాలతో లాంఛనంగా మొదలైంది. శ్రీలీల ఇందులో కథానాయిక. సితార ఎంటర్‌టైన్మెంట్స్‌, ఫార్చూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయిసౌజన్య కలిసి ఈ చిత్రాన్ని నిర్మిస్తున్నారు. ‘ప్రొడక్షన్‌ నంబర్‌ 28’గా మొదలైన ఈ చిత్రం ద్వారా యువరచయిత భాను భోగవరపు దర్శకుడిగా పరిచయం అవుతున్నారు.

రవితేజ 75వ సినిమా షూటింగ్‌ మంగళవారం పూజాకార్యక్రమాలతో లాంఛనంగా మొదలైంది. శ్రీలీల ఇందులో కథానాయిక. సితార ఎంటర్‌టైన్మెంట్స్‌, ఫార్చూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయిసౌజన్య కలిసి ఈ చిత్రాన్ని నిర్మిస్తున్నారు. ‘ప్రొడక్షన్‌ నంబర్‌ 28’గా మొదలైన ఈ చిత్రం ద్వారా యువరచయిత భాను భోగవరపు దర్శకుడిగా పరిచయం అవుతున్నారు. ముహూర్తపు సన్నివేశానికి శ్రీలీల క్లాప్‌ కొట్టగా, భాను భోగవరపు దర్శకత్వం వహించారు.

ఇందులో రవితేజ హాస్యంతో కూడిన మాస్‌ పాత్రలో కనిపించనున్నారని, వినోదంతో కూడిన పూర్తి మాస్‌ ఎంటర్‌టైనర్‌గా ఈ సినిమా రూపొందనున్నదని చిత్రం బృందం వెల్లడించింది. బ్లాక్‌బాస్టర్‌ ‘వాల్తేరు వీరయ్య’కు మాటలు రాసిన తాను, మరో బ్లాక్‌బాస్టర్‌ ‘సామజవరగమన’కు కథ, స్క్రీన్‌ప్లే రచయితగా పనిచేశానని, ప్రస్తుతం నందమూరి బాలకృష్ణ నటిస్తున్న ‘ఎన్బీకే 109’కు మాటలు రాస్తున్నానని, ఇంత తక్కువ సమయంలో రవితేజ సినిమాను డైరెక్ట్‌ చేసే ఛాన్స్‌ రావడం అదృష్టంగా ఫీలవుతున్నానని దర్శకుడు భాను భోగవరపు అన్నారు. వచ్చే సంక్రాంతికి విడుదల కానున్న ఈ చిత్రానికి కెమెరా: విధు అయ్యన్న, మాటలు: నందు సవిరిగాన, సంగీతం: భీమ్స్‌ సిసిరోలియో, కూర్పు: నవీన్‌ నూలి.