‘లెనిన్‌’ దర్శకుడితో సినిమా?

రవితేజ తాజా చిత్రం ‘ఇరుముడి’ పాజిటివ్‌ బజ్‌తో అందరి దృష్టిని ఆకర్షిస్తున్నది. ఈ నెల 21న సినిమా విడుదలకానుంది. దీని తర్వాత హసిత్‌గోలి దర్శకత్వంలో శ్రీవిష్ణుతో కలిసి రవితేజ ఓ మల్టీస్టారర్‌ చిత్రాన్ని చేయబోతున్నారు. దిల్‌రాజు నిర్మాత.

రవితేజ తాజా చిత్రం ‘ఇరుముడి’ పాజిటివ్‌ బజ్‌తో అందరి దృష్టిని ఆకర్షిస్తున్నది. ఈ నెల 21న సినిమా విడుదలకానుంది. దీని తర్వాత హసిత్‌గోలి దర్శకత్వంలో శ్రీవిష్ణుతో కలిసి రవితేజ ఓ మల్టీస్టారర్‌ చిత్రాన్ని చేయబోతున్నారు. దిల్‌రాజు నిర్మాత. వివేక్‌ ఆత్రేయ, మారుతి కూడా రవితేజ కోసం కథలు సిద్ధం చేశారని తెలుస్తున్నది. ఇదిలావుండగా రవితేజ లైనప్‌లో మరో సినిమా ఖరారైనట్లు వార్తలొస్తున్నాయి. ఇటీవలే ‘లెనిన్‌’తో అక్కినేని అఖిల్‌కు బ్లాక్‌బస్టర్‌ హిట్‌ అందించారు దర్శకుడు మురళీకిషోర్‌ అబ్బూరు.

ఆయన దర్శకత్వంలో రవితేజ ఓ సినిమా చేయబోతున్నారని, ఇప్పటికే కథా చర్చలు పూర్తయ్యాయని, సితార ఎంటర్‌టైన్‌మెంట్స్‌ ఈ ప్రాజెక్ట్‌ను తెరకెక్కించనుందని ఫిల్మ్‌నగర్‌ టాక్‌. నిజానికి మూడేళ్లక్రితమే ‘లెనిన్‌’ కథను రవితేజకు వినిపించారట దర్శకుడు మురళీకిషోర్‌. అయితే అప్పటి కమిట్‌మెంట్స్‌ కారణంగా రవితేజ ఆ సినిమా చేయలేకపోయారని తెలిసింది. ఈ నేపథ్యంలో ‘లెనిన్‌’ దర్శకుడి సినిమాకు రవితేజ గ్రీన్‌సిగ్నల్‌ ఇచ్చారని చెబుతున్నారు. అయితే ప్రస్తుతం రవితేజ లైనప్‌ని చూస్తే మురళీకిషోర్‌ అబ్బూరు చిత్రం కార్యరూపం దాల్చడానికి చాలా సమయం పట్టే అవకాశం ఉందని అంటున్నారు.