Raviteja | మాస్ మహారాజ రవితేజ మంచి హుషారు మీదున్నాడు. టైగర్ నాగేశ్వరరావు బ్లాక్ బస్టర్ హిట్టు కొట్టడం ఖాయమని ధీమాగా ఉన్నాడు. మరో ఐదు రోజుల్లో రిలీజ్ కాబోతున్న ఈ సినిమాపై ప్రేక్షకుల్లో మాములు ఎక్స్పెక్టేషన్స్ లేవు. టీజర్, ట్రైలర్లు చూసే ఆహా ఓహో అనుకుంటున్నారు. ఇక సినిమా ఏ రేంజ్లో ఉంటుందో అని అప్పుడే ఊహల్లోకి వెళ్లిపోయారు. దసరా కానుకగా అక్టోబర్ 20న పాన్ ఇండియా లెవల్లో టైగర్ నాగేశ్వరరావు రిలీజ్ కాబోతుంది. ఈ క్రమంలో మేకర్స్ బ్యాక్ టు బ్యాక్ ప్రమోషన్లతో తెగ బిజీగా గడుపుతున్నారు. మరీ ముఖ్యంగా రవితేజ అన్ని రాష్ట్రాల్లో తిరుగుతూ సినిమాను జనాల్లోకి తీసుకెళ్తున్నాడు.
కాగా తాజాగా హిందీ ప్రమోషన్లో భాగంగా ఓ కార్యక్రమంలో పాల్గొన్న రవితేజ అక్కడ స్టేజీపై మాస్టర్ సినిమాలోని వాతి కమింగ్ పాటకు స్టెప్పులేశాడు. ప్రస్తుతం దీనికి సంబంధించిన వీడియో సోషల్ మీడియాను ఊపేస్తుంది. యాక్షన్ థ్రిల్లర్ నేపథ్యంలో తెరకెక్కుతున్న ఈ సినిమాను అభిషేక్ అగర్వాల్ ఆర్ట్స్ బ్యానర్పై అభిషేక్ అగర్వాల్ అత్యంత ప్రతిష్టాత్మకంగా ఈ చిత్రాన్ని నిర్మిస్తున్నాడు. జీవి ప్రకాష్ సంగీతం అందిస్తున్నాడు. రేణుదేశాయ్ కీలకపాత్రలో నటిస్తున్న ఈ సినిమాలో నుపూర్ సనన్, గాయత్రి భరద్వాజ్లు హీరోయిన్లుగా నటిస్తున్నారు.
Tiger for #Leo 😀💥@RaviTeja_offl vibes to #ThalapathyVijay & @anirudhofficial #VaathiComing 🔥💥✌🏻 https://t.co/ULZuDjB8fc
— KARTHIK DP (@dp_karthik) October 14, 2023
ఇండియన్ రాబిడ్ హుడ్గా పిలవబడే గజదొంగ టైగర్ నాగేశ్వరరావు జీవిత కథ అధారంగా ఈ సినిమా తెరకెక్కుతుంది. 70,80 దశకాల్లో నాగేశ్వరరావు ఆంధ్ర ప్రదేశ్లో భారీ ఎత్తున దొంగతనాలు, దోపిడీలు చేస్తూ పోలీసులకు చిక్కకుండా తప్పించుకునే వాడు. ఇలాంటి గజదొంగ కథ బయోపిక్గా తెరకెక్కుతుండటంతో ప్రేక్షకులలో తీవ్ర ఆసక్తి నెలకొంది. ఇక ఈ సినిమాకు పోటీగా ముందు రోజు భగవంత్ కేసరి, లియోలు రిలీజ్ కానున్నాయి.