Ravi Teja: చిరు సినిమాలోని కీల‌క పాత్ర కోసం రూ.7 కోట్ల రూపాయ‌లు చార్జ్ చేస్తున్న ర‌వితేజ‌

మాస్ మ‌హరాజా ర‌వితేజ ప్ర‌స్తుతం ఫుల్ జోష్‌లో ఉన్నాడు. ఆయ‌న చేతిలో ఇప్పుడు దాదాపు ఐదారు ప్రాజెక్టులు ఉన్నాయి. ఖిలాడి, రామారావు ఆన్ డ్యూటీ, ధ‌మాకా, రావణాసుర‌, టైగ‌ర్ నాగేశ్వ‌ర‌రావు అనే చిత్రాల‌తో ర‌వితేజ బిజీగా ఉండ‌గా, ఇటీవ‌ల చిరు సినిమాలో న‌టించే ఆఫ‌ర్ కూడా అందుకున్నాడు. మెగా స్టార్ చిరంజీవి హీరోగా బాబీ దర్శకత్వంలో తెరకెక్కనున్న సినిమాలో మాస్ మహారాజా రవితేజ్ కోసం కీల‌క పాత్ర‌ని సిద్ధం చేశాడ ద‌ర్శ‌కుడ బాబీ.

మెగాస్టార్ చిరంజీవి సినిమా.. ఇక బాబీతో ఉన్న స్నేహంతో రవితేజ్ వెంటనే ఓకే అన్నాడట. అయితే ఈ సినిమాలో కీల‌క పాత్ర‌లో న‌టించేందుకు ర‌వితేజ ఏడు కోట్ల రూపాయ‌లు చార్జ్ చేస్తున్నాడ‌నే టాక్ వినిపిస్తుంది. కాగా, టైగ‌ర్ నాగేశ్వ‌ర‌రావు సినిమా కోసం ర‌వితేజ భారీగా రెమ్యున‌రేష‌న్ పుచ్చుకుంటున్న‌ట్టు టాక్.

ఇప్పటికే చిరంజీవి అన్నయ్య సినిమాలో రవితేజ , వెంకట్ లు తమ్ముళ్లుగా నటించారు. ఆ సినిమా బాక్సాఫీస్ వద్ద హిట్ ను సొంతం చేసుకున్న సంగతి తెలిసిందే. మళ్ళీ ఇన్ని ఏళ్ల తర్వాత మెగాస్టార్ చిరంజీవి తో మాస మహారాజా రవితేజ జతకడితే.. సినిమాకు అదనపు మైలేజ్ ఖాయం.. అభిమానులను మరింత అలరిస్తుంది అని అంటున్నారు. ఈ వార్త‌ల‌లో ఎంత నిజం ఉంద‌నేది చూడాలి.