థియేటర్స్‌కి రండి.. డిస్కస్‌ చేద్దాం

నేషనల్‌ క్రష్‌ రష్మిక మందన్నా ప్రధాన పాత్రలో రూపొందుతున్న చిత్రం ‘ది గర్ల్‌ ఫ్రెండ్‌'. దీక్షిత్‌ శెట్టి ఇందులో మేల్‌ లీడ్‌. రాహుల్‌ రవీంద్రన్‌ దర్శకుడు.

నేషనల్‌ క్రష్‌ రష్మిక మందన్నా ప్రధాన పాత్రలో రూపొందుతున్న చిత్రం ‘ది గర్ల్‌ ఫ్రెండ్‌’. దీక్షిత్‌ శెట్టి ఇందులో మేల్‌ లీడ్‌. రాహుల్‌ రవీంద్రన్‌ దర్శకుడు. ధీరజ్‌ మొగిలినేని, విద్య కొప్పినీడి నిర్మాతలు. నవంబర్‌ 7న తెలుగు, తమిళ, మలయాళ, కన్నడ, హిందీ భాషల్లో పానిండియా స్థాయిలో సినిమా విడుదల కానున్నది. ఈ సందర్భంగా శనివారం ఓ స్పెషల్‌ వీడియోతో ఈ సినిమా రిలీజ్‌ డేట్‌ను మేకర్స్‌ ప్రకటించారు.

‘ప్రేమికులుగా మనం ఒకే టైపా.. ఒకరికొకరం ఎంతవరకు కరెక్ట్‌? రకరకాల కారణాలతో కలిసే ప్రేమికుల్లో ఎంతమందికి ఈ క్లారిటీ ఉంటుంది? మీకు ఉందా?.. నవంబర్‌ 7న థియేటర్స్‌కి రండి డిస్కస్‌ చేద్దాం..’ అంటూ ఈ వీడియోలో ప్రేక్షకుల్ని రష్మిక, దీక్షిత్‌ ఇన్వైట్‌ చేయడం ఇన్నోవేటివ్‌గా ఉంది. ఈ చిత్రానికి కెమెరా: కృష్ణన్‌ వసంత్‌, సంగీతం: హేషమ్‌ అబ్దుల్‌ వాహబ్‌, సమర్పణ: అల్లు అరవింద్‌, నిర్మాణం: గీతా ఆర్ట్స్‌, ధీరజ్‌ మొగిలినేని ఎంటర్‌టైన్మెంట్‌.