కాక్‌టెయిల్‌ -2 ఓ విభిన్నమైన ప్రేమకథ

రష్మిక మందన్న ప్రస్తుతం ముంబైలో బిజీబిజీగా ఉన్నారు. షాహిద్‌ కపూర్‌, కృతిసనన్‌లతో కలిసి ఆమె నటించిన ‘కాక్‌టెయిల్‌ 2’ చిత్రం జూన్‌ 19న విడుదల కానున్నది. ఈ సందర్భంగా ఈ సినిమా ప్రమోషన్స్‌లో బిజీగా గడుపుతున్నది రష్మిక మందన్న.

రష్మిక మందన్న ప్రస్తుతం ముంబైలో బిజీబిజీగా ఉన్నారు. షాహిద్‌ కపూర్‌, కృతిసనన్‌లతో కలిసి ఆమె నటించిన ‘కాక్‌టెయిల్‌ 2’ చిత్రం జూన్‌ 19న విడుదల కానున్నది. ఈ సందర్భంగా ఈ సినిమా ప్రమోషన్స్‌లో బిజీగా గడుపుతున్నది రష్మిక మందన్న. తాజాగా ముంబైలో ఈ చిత్రబృందం ఓ మ్యూజికల్‌ ఈవెంట్‌ని నిర్వహించింది. ఈ సందర్భంగా రష్మిక మాట్లాడుతూ “కాక్‌టెయిల్‌ 2’ ఊహలకు అందనంత గొప్పగా ఉంటుంది. ఇది చాలా భిన్నమైన సినిమా. ఈ డిఫరెంట్‌ ప్రేమకథను అందరూ ఎంజాయ్‌ చేస్తారు. కృతిసనన్‌ మామూలుగానే చాలా హాట్‌. ఈ సినిమాలో మరింత అందంగా కనిపిస్తుంది.

షాహిద్‌తో మా ఇద్దరి కెమిస్ట్రీ ఓ రేంజ్‌లో ఉంటుంది. ట్రైలర్స్‌, టీజర్స్‌లో మీరు చూసింది చాలా తక్కువ. అసలు అప్‌డేట్స్‌ ముందున్నాయి. వాటికోసం మీతోపాటు నేనూ ఉత్సాహంగా ఎదురుచూస్తున్నా’ అంటూ చెప్పుకొచ్చింది రష్మిక. ఇక ‘కాక్‌టెయిల్‌ 2’ సినిమా విషయానికొస్తే.. ఇదొక త్రిముఖ ప్రేమకథ అని తెలుస్తున్నది. హోమీ అదజానియా దర్శకత్వంలో ఈ చిత్రాన్ని రూపొందించారు.