Badshah Divorce | పాపం బాద్‌షా.. రెండో పెళ్లైన ఐదు నెలలకే విడాకులు..!

Badshah Divorce : ప్రముఖ ర్యాపర్, సింగర్‌ బాద్‌షా (Rapper Badshah) వివాహ జీవితంలో మరో కుదుపు. రెండోసారి వివాహ బంధంలోకి అడుగుపెట్టిన అతడు ఐదు నెలలు తిరిగేసరికే విడాకులు తీసుకున్నాడు.

Badshah Divorce : ప్రముఖ ర్యాపర్, సింగర్‌ బాద్‌షా (Rapper Badshah) వివాహ జీవితంలో మరో కుదుపు. రెండోసారి వివాహ బంధంలోకి అడుగుపెట్టిన అతడు ఐదు నెలలు తిరిగేసరికే విడాకులు తీసుకున్నాడు. పంజాబీ నటి ఇషా రిఖీ (Isha Rikhi)తో తన బంధాన్ని ముగించాడీ సింగర్. ఆగస్టు 31వ తేదీన వీరు డైవరర్స్ తీసుకున్నారు. ఇంత త్వరగా వేరవ్వడంపై ప్రశ్నలు రేకెత్తుతున్న వేళ తాము పరస్పర అంగీకారంతోనే విడిపోయామని ఇషా, బాద్‌షాలు సోషల్ మీడియాలో పేర్కొన్నారు.

ర్యాపర్ బాద్‌షా, పంజాబీ నటి ఇషా రిఖీల వైవాహిక జీవితం ఐదు నెలల్లోనే ముగిసింది. తామిద్దరం పరస్పర అంగీకారంతోనే విడాకులు తీసుకున్నామని బాద్‌షా ప్రకటించాడు. ‘నేను, ఇషా రిఖీ విడిపోతున్నాం. పరస్పర అంగీకారంతోనే మేము ఈ నిర్ణయం తీసుకున్నాం. ఈ సమయంలో మా గోప్యతను గౌరవించాలని అందరినీ కోరుతున్నా. రాబోయే రోజుల్లో మా అనుబంధం గురించి ఎలాంటి ఊహాగానాలు ప్రచారం చేయకూడదని మేము అభ్యర్థిస్తున్నాం’ అని బాద్‌షా పోస్ట్ పెట్టాడు.

#Badshah and #IshaRikhi have announced their separation five months after their marriage. The couple shared statements on social media saying they have “mutually decided to part ways” and requested privacy and no further speculation about their relationship. #News pic.twitter.com/2JmPeKxPm5

— Filmfare (@filmfare) September 1, 2026

అయితే.. ఇషా మాత్రం ఇక తనకు భయం భయంగా జీవించాల్సిన రోజులు పోయాయని పోస్ట్ పెట్టడం గమనార్హం.
‘కొన్ని యుద్ధాల్లో ఎలాంటి మచ్చలు ఉండవు. కొన్ని రోజులుగా భయంతో నేను మౌనంగా ఉన్నా. నా భర్తకు ఉన్న పలుకుబడి, అధికారం, ఇతర వనరులను చూసి ఎంతో పొంగిపోయిన నేను.. నిశబ్దంగా ఉండడమే సురక్షితమని నాకు నేను చెప్పుకున్నా. అయితే.. మౌనం అనేది ఎల్లప్పుడూ అంగీకారం కాదు. బతికి ఉండేందుకు అదొక మార్గం. అయితే.. ఈ రోజు నేను భయం బదులు ధైర్యాన్ని ఎంచుకున్నా. అందరికీ నేను మొత్తం కథ చెప్పలేకపోవచ్చు.. కానీ, అంతా సరి అయినందున ఇకపై నేను భయపడాల్సిన పని లేదు’ అని ఇషా పేర్కొంది.

Rapper Badshah and actress Isha Rikhi have confirmed their divorce, five months after their marriage went public. In matching Instagram Story posts, the two said they “mutually decided to part ways” and asked for privacy, calling it their only statement on the matter. 💔… pic.twitter.com/kJgrUEwuSR

— InstantBollywood (@instantbolly) September 1, 2026

అప్పుడు మూడేళ్లకే

‘సోల్‌మేట్’, ‘గర్మీ’, ‘జెండా ఫూల్’, ‘అక్కడ్ బక్కడ్’, ‘లెట్స్ నాచో’, ‘బ్యాడ్ బాయ్’.. వంటి ఆల్బమ్స్‌తో విశేష గుర్తింపు తెచ్చుకున్న బాద్‌షా మొదటగా జాస్మినే మసిహ్‌ను పెళ్లి చేసుకున్నాడు. వీరికి 2017లో గ్రేస్ మసిహ్ సింగ్ అనే అమ్మాయి జన్మించింది. అనంతరం మూడేళ్లకే మనస్ఫర్ధలతో జాస్మినేకు బాద్‌షా విడాకులు ఇచ్చాడు. 2020 నుంచి సింగిల్‌గానే ఉంటున్న ర్యాప్ కింగ్ తన జీవితంలోకి నిషా రిఖీని 2026 మార్చి 24వ తేదీన రెండో భార్యగా ఆహ్వానించాడు. కానీ, ఇప్పుడు తనతో కూడా డైవోర్స్ కావడంతో ర్యాంప్ కింగ్ మళ్లీ ఒంటరయ్యాడు.