Ranga Ranga Vaibhavanga | ఓటీటీలోకి వైష్ణవ్ తేజ్ కొత్త సినిమా.. స్ట్రీమింగ్ ఎప్పుడంటే?

Ranga Ranga Vaibhavanga Movie On OTT  | 'ఉప్పెన' సినిమాతో ఇండస్ట్రీలోకి గ్రాండ్ ఎంట్రీ ఇచ్చిన వైష్ణవ్‌తేజ్‌.. అదే జోష్‌ను తరువాతి సినిమాల్లో కంటీన్యూ చేయలేకపోతున్నాడు. గతేడాది విడుదలైన 'కొండపోలం' మూవీ.. అసలు వచ్చిందన్న విషయమే సగం మందికి తెలియకుండా వెళ్లిపోయింది.

Ranga Ranga Vaibhavanga Movie On OTT  | ‘ఉప్పెన’ సినిమాతో ఇండస్ట్రీలోకి గ్రాండ్ ఎంట్రీ ఇచ్చిన వైష్ణవ్‌తేజ్‌.. అదే జోష్‌ను తరువాతి సినిమాల్లో కంటీన్యూ చేయలేకపోతున్నాడు. గతేడాది విడుదలైన ‘కొండపోలం’ మూవీ.. అసలు వచ్చిందన్న విషయమే సగం మందికి తెలియకుండా వెళ్లిపోయింది. ఈ క్రమంలో ఈ సారి ఎలాగైన హిట్ సాధించాలని ‘రంగ రంగ వైభవంగా’ వంటి ఫ్యామిలీ ఎంటర్‌టైనర్‌తో ప్రేక్షకుల ముందుకు వచ్చాడు. భారీ అంచనాల మధ్య సెప్టెంబర్‌ 2న విడుదలైన ఈ చిత్రం మొదటి రోజు నుండి మిక్స్డ్‌ టాక్‌ తెచ్చుకుంది. ఫైనల్‌గా బ్రేక్‌ ఈవెన్ సాధించలేక వైష్ణవ్‌ కెరీర్‌లో వరుసగా రెండో ఫేయిల్యూర్‌గా మిగిలింది. కథ, కథనం రోటీన్‌గా ఉండటంతో ప్రేక్షకులకు ఈ చిత్రం రుచించలేదు. ఇదిలా ఉంటే ఈ సినిమా ఓటీటీ స్ట్రీమింగ్‌ కోసం ప్రేక్షకులు ఎంతగానో ఎదురు చూస్తున్నారు.

తాజాగా ఈ చిత్రానికి సంబంధించిన ఓటీటీ విడుదల తేదీ నెట్టింట వైరల్‌గా మారింది. ఈ సినిమా డిజిటల్ హక్కులను ప్రముఖ ఓటీటీ సంస్థ నెట్‌ఫ్లిక్స్ దక్కించుకుంది. కాగా ఈ చిత్రం దసరా కానుకగా అక్టోబర్‌ 5 లేదా అక్టోబర్‌ 7న స్ట్రీమింగ్‌ కానున్నట్లు తెలుస్తుంది. త్వరలోనే ఈ డేట్‌పై క్లారిటీ వచ్చే చాన్స్‌ ఉంది. గిరీశయ్య దర్శకత్వం వహించిన ఈ చిత్రాన్ని శ్రీ వెంకటేశ్వర సినీ చిత్ర బ్యానర్‌పై బీ.వి.ఎస్‌.ఎన్‌ ప్రసాద్‌ నిర్మించాడు. ఈ చిత్రంలో వైష్ణవ్‌కు జోడీగా కేతిక శర్మ హీరోయిన్‌గా నటించింది. నవీన్‌ చంద్ర కీలకపాత్రలో నటించిన ఈ చిత్రానికి దేవీ శ్రీ ప్రసాద్ సంగీతం అందించాడు.

Read also:

Ram Setu Movie | ఆసక్తి రేకిత్తిస్తున్న అక్షయ్‌కుమార్‌ ‘రామ్‌ సేతు’ గ్లింప్స్‌..!

Allu Sirish | అల్లు శిరీష్‌ కొత్త సినిమా టీజర్‌ డేట్‌ ఫిక్స్.. విడుదల ఎప్పుడంటే?

Raja Delux Movie | ప్రభాస్‌-మారుతి మూవీలో బాలీవుడ్‌ సీనియర్‌ స్టార్‌ హీరో?

Ananya Pandey | ఓటీటీలోకి ‘లైగర్‌’ భామ ఎంట్రీ.. డైరెక్టర్‌ ఎవరంటే?