Ramayana | ‘రామాయణం’ మూవీకి ‘యూ’ సర్టిఫికెట్.. రన్‌టైమ్ ఎంతంటే?

Ramayana | నితేష్ తివారీ దర్శకత్వంలో తెరకెక్కుతున్న మోస్ట్ అంటెసిపేటెడ్ పాన్ ఇండియా పౌరాణిక చిత్రం ‘రామాయణం’ ఎట్ట‌కేల‌కు సెన్సార్ పూర్తి చేసుకున్న‌ట్లు తెలుస్తుంది.

Ramayana | నితేష్ తివారీ దర్శకత్వంలో తెరకెక్కుతున్న మోస్ట్ అంటెసిపేటెడ్ పాన్ ఇండియా పౌరాణిక చిత్రం ‘రామాయణం’ ఎట్ట‌కేల‌కు సెన్సార్ పూర్తి చేసుకున్న‌ట్లు తెలుస్తుంది. రణ్‌బీర్ కపూర్ రాముడిగా, సాయి పల్లవి సీతగా, యశ్ రావణాసురుడిగా నటిస్తున్న ఈ భారీ చిత్రానికి సెన్సార్ బోర్డు ‘యూ’ (U) సర్టిఫికెట్ జారీ చేసిన‌ట్లు సోష‌ల్ మీడియాలో వార్త‌లు వైర‌ల్ అవుతున్నాయి. దీంతో ఎలాంటి కట్స్ లేకుండా అన్ని వర్గాల ప్రేక్షకులు కుటుంబ సమేతంగా ఈ సినిమాను చూడ‌వ‌చ్చ‌ని తెలుస్తుంది.

అలాగే ఈ సినిమాకు సంబంధించిన రన్‌టైమ్‌పై కూడా అధికారిక క్లారిటీ వచ్చేసింది. ‘రామాయణం’ పూర్తి సినిమా నిడివి 195 నిమిషాలు (సుమారు 3 గంటల 15 నిమిషాలు) ఉండనున్నట్లు మేకర్స్ తెలిపారు. పౌరాణిక నేపథ్యంలో సాగే అత్యుత్తమ విజువల్ వండర్‌గా రూపొందుతున్న ఈ చిత్రం నవంబర్ 5న ప్రపంచవ్యాప్తంగా గ్రాండ్‌గా విడుదల కానుంది.