Ranbir Ex Lovers | ర‌ణ్‌బీర్ వెడ్డింగ్‌కు మాజీ గ‌ర్ల్‌ఫ్రెండ్స్..ఎవ‌రెవ‌రో గెస్ చేశారా..?

కెరీర్‌లో ఇప్ప‌టివ‌ర‌కు ఎంతోమందితో చెట్టాప‌ట్టాలేసుకుని తిరిగిన యువ హీరో ర‌ణ్ బీర్ క‌పూర్ (Ranbir Kapoor) ఫైన‌ల్‌గా ఓ ఇంటివాడ‌య్యేందుకు రెడీ అయ్యాడు. త‌న స్నేహితురాలు, కోస్టార్ అలియాభ‌ట్ (Alia Bhatt)ను పెళ్లి చేసుకోబోతున్నాడు ర‌ణ్ బీర్ క‌పూర్.

ఇండియా సెల‌బ్రిటీల్లో ఉన్న మోస్ట్ ఎలిజిబుల్ బ్యాచ్‌ల‌ర్స్ ఒక‌డు బాలీవుడ్ (Bollywood) యాక్ట‌ర్ ర‌ణ్ బీర్ క‌పూర్ (Ranbir Kapoor). కెరీర్‌లో ఇప్ప‌టివ‌ర‌కు ఎంతోమందితో చెట్టాప‌ట్టాలేసుకుని తిరిగిన ఈ యువ హీరో ఫైన‌ల్‌గా ఓ ఇంటివాడ‌య్యేందుకు రెడీ అయ్యాడు. త‌న స్నేహితురాలు, కోస్టార్ అలియాభ‌ట్ (Alia Bhatt)ను పెళ్లి చేసుకోబోతున్నాడు ర‌ణ్ బీర్ క‌పూర్. ఏప్రిల్ 17న వెడ్డింగ్‌కు ముహూర్తం ఫిక్స్ చేసిన‌ట్టు బీటౌన్ సమాచారం.

అయితే ఈవెంట్‌కు సంబంధించిన ఓ ఆస‌క్తిక‌ర విష‌యం ఇపుడు తెర‌పైకి వ‌చ్చింది. ఇంత‌కీ అంత ఇంట్రెస్టింగ్ థింగ్ ఏంటంటే..వెడ్డింగ్ ఈవెంట్‌కు మాజీ గ‌ర్ల్‌ఫ్రెండ్స్ రాబోతున్నార‌ట‌. వాళ్లెవ‌రో ఇప్ప‌టికే అర్థ‌మై ఉంటుంది. స్టార్ హీరోయిన్లు దీపికా ప‌దుకొనే (Deepika Padukone), క‌త్రినాకైఫ్ (Katrina Kaif). గ‌తంలో ఈ ఇద్ద‌రితో ర‌ణ బీర్ క‌పూర్ లివింగ్ రిలేష‌న్ షిప్ మెయింటైన్ చేశాడు. వెడ్డింగ్ సెర్మ‌నీ ఈవెంట్‌ను ఏప్రిల్‌ 13-17 డేట్స్ మ‌ధ్య‌లో ప్లాన్ చేసిన‌ట్టు తెలుస్తోంది.

మెహందీ, సంగీత్‌ వేడుకలు ఈ తేదీల్లోనే నిర్వ‌హించ‌నున్న‌ట్టు టాక్‌. కపూర్‌ వంశానికి చెందిన వారసత్వ నివాసం ఆర్కే బంగ్లా (RK bungalow) రణ్‌బీర్‌కపూర్‌, అలియాభట్‌ల పెళ్లికి వేదిక కానుంది. అతికొద్దిమంది సన్నిహితులు, ఇండ‌స్ట్రీకి చెందిన స్నేహితులకు మాత్ర‌మే ఆహ్వానం అందించ‌నున్నార‌ని టాక్‌.