Rana Daggubati | రజనీకి విలన్‌గా రానా ?

రజనీకాంత్‌ కథానాయకుడిగా నటిస్తున్న తాజా చిత్రం ‘వెట్టయాన్‌'.‘జై భీమ్‌' ఫేమ్‌ టీజే జ్ఞానవేల్‌ దర్శకత్వం వహిస్తున్నారు.

Rana Daggubati | రజనీకాంత్‌ కథానాయకుడిగా నటిస్తున్న తాజా చిత్రం ‘వెట్టయాన్‌’.‘జై భీమ్‌’ ఫేమ్‌ టీజే జ్ఞానవేల్‌ దర్శకత్వం వహిస్తున్నారు. ప్రస్తుతం చిత్రీకరణ జరుగుతున్నది. వాణిజ్య హంగులు కలబోసిన సామాజిక సందేశాత్మక కథాంశంతో ఈ సినిమాను తెరకెక్కిస్తున్నారు. ఈ పాన్‌ ఇండియా చిత్రంలో అమితాబ్‌ బచ్చన్‌, ఫహాద్‌ ఫాజిల్‌, రానా, రితికా సింగ్‌ తదితరులు కీలక పాత్రలను పోషిస్తున్నారు.

తాజా సమాచారం ప్రకారం ఈ చిత్రంలో రానా ప్రతినాయకుడి పాత్రలో కనిపించనున్నారని తెలిసింది. విద్యా వ్యవస్థలోని అవినీతి, అరాచకాలను చర్చిస్తూ ఈ సినిమాను తెరకెక్కిస్తున్నారు. టెక్నాలజీపై మంచి పట్టున్న ైస్టెలిష్‌ విలన్‌ పాత్రలో రానా పాత్ర కథాగమనంలో కీలకంగా ఉంటుందని చెబుతున్నారు. ఈ చిత్రాన్ని లైకా ప్రొడక్షన్స్‌ నిర్మిస్తున్నది.