KGF Chapter-2 | ‘కేజీఎఫ్‌-2’ చిత్ర బృందాన్ని అభినందించిన రామ్ చ‌ర‌ణ్‌!

KGF Chapter-2 | ప్ర‌స్తుతం ఎక్క‌డ చూసినా ‘కేజీఎఫ్‌-2′ హ‌వా న‌డుస్తుంది. నార్త్ నుంచి సౌత్ వ‌ర‌కు క‌లెక్ష‌న్ల‌లో రికార్డును సృష్టిస్తుంది. ఇప్ప‌టికే ఈ చిత్రం బ్రేక్ ఈవెన్ కూడా పూర్తి చేసుకుంది. ఇక హిందీలో ఈ చిత్రం కాసుల వ‌ర్షం కురిపిస్తుంది. ఇప్ప‌టివ‌రకు బాలీవుడ్‌లో 280కోట్ల‌కు పైగా సాధించి రికార్డు సృష్టించింది. ప్ర‌శాంత్ నీల్ టేకింగ్‌, విజ‌న్‌కు సినీప్ర‌ముఖులు సైతం ఫిదా అవుతున్నారు. య‌ష్ న‌ట‌న‌కు ప్రేక్ష‌కులు బ్ర‌హ్మ‌ర‌థం ప‌డుతున్నారు.ఇప్ప‌టికే పలువురు సెల‌బ్రిటీలు సినిమాను చూసి చిత్ర బృందాన్ని ప్ర‌శంసించారు. తాజాగా ఈ చిత్రాన్ని వీక్షించిన రామ్‌చ‌ర‌ణ్‌ ట్విట్ట‌ర్లో చిత్ర బృందాన్ని ప్ర‌శంసించాడు.

‘కేజీఎఫ్2′ విజ‌యం సాధించినందుకు ప్ర‌శాంత్ నీల్, హోంబ‌లే ఫిలింస్, టీం అందరికి శుభాకాంక్ష‌లు. య‌ష్ ఈ చిత్రంలో అద్భుతంగా న‌టించాడు. అత‌ని స్క్రీన్ ప్ర‌జెన్స్ అభినంద‌నీయం. సంజ‌య్ ద‌త్, రవీనా టాండ‌న్‌, ప్ర‌కాశ్ రాజ్‌, రావురమేష్ అద్భుతంగా న‌టించారు. శ్రీనిధి శెట్టి, ఈశ్వ‌రీరావు, అర్చ‌న‌జీయెస్, మాళ‌వికల‌కు శుభాకాంక్ష‌లు. ర‌విబ‌స్రూర్ సంగీతం అద్భుతంగా ఉంది. ఈ చిత్రంలో ప‌నిచేసిన ప్ర‌తి ఒక్క టెక్నీషియ‌న్‌కు నా అభినంద‌న‌లు’ అంటూ ట్విట్ట‌ర్లో రామ్‌చ‌ర‌ణ్ చిత్ర బృందాన్ని ప్రశంసించాడు. ఇక రామ్‌చ‌ర‌ణ్ ప్ర‌స్తుతం న‌టించి నిర్మించిన ‘ఆచార్య’ ఏప్రిల్ 29న విడుద‌ల కానుంది.