Visit:
Ram Charan 16 Movie | గేమ్ ఛేంజ‌ర్ వంటి డిజాస్టార్ త‌ర్వాత గ్లోబ‌ల్ స్టార్ రామ్ చ‌ర‌ణ్ ప్ర‌ధాన పాత్ర‌లో న‌టిస్తున్న తాజా ప్రాజెక్ట్ ఆర్‌సీ16. ఈ సినిమాకు ‘ఉప్పెన’ఫేం బుచ్చిబాబు సానా దర్శకత్వం వ‌హిస్తుండ‌గా.. జాన్వీ క‌పూర్ క‌థానాయిక‌గా న‌టిస్తుంది. బాలీవుడ్ న‌టుడు ‘మీర్జాపూర్‌’ వెబ్ సిరీస్‌లో మున్నాభాయ్య‌గా న‌టించిన దివ్యేందు శర్మ ఇందులో విల‌న్ పాత్ర‌లో న‌టిస్తున్నాడు. ఈ ప్రాజెక్ట్ ప్ర‌స్తుతం హైద‌రాబాద్‌లో శ‌ర‌వేగంగా షూటింగ్ జ‌రుపుకుంటుంది.
అయితే నేడు రామ్ చ‌ర‌ణ్ తేజ్ పుట్టిన‌రోజు సంద‌ర్భంగా మూవీ నుంచి మేక‌ర్స్ ఫ‌స్ట్ లుక్‌తో పాటు టైటిల్‌ను విడుద‌ల చేశారు. ఈ ప్రాజెక్ట్‌కు ‘పెద్ది’ (Peddi) అనే టైటిల్ పెట్టిన‌ట్లు చిత్ర‌బృందం ప్ర‌క‌టించింది. గుర్తింపు కోసం పోరాటం అంటూ ఈ ఫ‌స్ట్ లుక్‌కి క్యాప్ష‌న్ ఇచ్చారు మేక‌ర్స్. ఉత్త‌రాంధ్ర స్పోర్ట్స్ బ్యాక్‌డ్రాప్‌లో ఈ సినిమా రాబోతున్న‌ట్లు తెలుస్తుంది. మైత్రీమూవీమేకర్స్‌, సుకుమార్‌ రైటింగ్స్‌ సమర్పణలో, వృద్ధి సినిమాస్‌ పతాకంపై వెంకట సతీష్‌ కిలారు నిర్మిస్తున్న ఈ పాన్‌ఇండియా ప్రాజెక్ట్‌లో కన్న‌డ చ‌క్ర‌వ‌ర్తి శివ‌రాజ్ కుమార్ కీల‌క పాత్ర‌ల్లో న‌టిస్తుండగా.. ఆస్కార్ అవార్డు గ్ర‌హీత ఏఆర్ రెహ‌మాన్ ఈ సినిమాకు సంగీతం అందించ‌బోతున్నాడు.
A FIGHT FOR IDENTITY!! #RC16 is #Peddi.
A @BuchiBabuSana film.
An @arrahman musical.@NimmaShivanna #JanhviKapoor @RathnaveluDop @artkolla @NavinNooli @IamJagguBhai @divyenndu @vriddhicinemas @SukumarWritings @MythriOfficial pic.twitter.com/fuSN5IjDL1— Ram Charan (@AlwaysRamCharan) March 27, 2025
