Ramayana | బాక్సాఫీస్ వద్ద ‘రామాయణ’ ప్రభంజనం.. ఫస్ట్ డే రూ.100 కోట్లకు పైగా వసూళ్లు,తెలుగు రాష్ట్రాల్లో ఎంతంటే?

Ramayana | భారతీయ సినీ ప్రేక్షకులు ఎంతో ఆసక్తిగా ఎదురుచూసిన మైథలాజికల్ విజువల్ వండర్ ‘రామాయణ’ బాక్సాఫీస్ వద్ద సత్తా చాటుతోంది. భారీ అంచనాల మధ్య ప్రేక్షకుల ముందుకు వచ్చిన ఈ సినిమాకు పాజిటివ్ టాక్ రావడంతో థియేటర్లలో మంచి స్పందన లభిస్తోంది. విడుదలకు ముందే అడ్వాన్స్ బుకింగ్స్‌లో భారీ వసూళ్లు సాధించిన ఈ చిత్రం.. తొలి రోజు కూడా బాక్సాఫీస్ వద్ద సాలిడ్ కలెక్షన్లు నమోదు చేసింది. ముఖ్యంగా హిందీ వెర్షన్‌తో పాటు దక్షిణాది భాషల్లోనూ సినిమా మంచి వసూళ్లు సాధించడం విశేషం.

Ramayana | భారతీయ సినీ ప్రేక్షకులు ఎంతో ఆసక్తిగా ఎదురుచూసిన మైథలాజికల్ విజువల్ వండర్ ‘రామాయణ’ బాక్సాఫీస్ వద్ద సత్తా చాటుతోంది. భారీ అంచనాల మధ్య ప్రేక్షకుల ముందుకు వచ్చిన ఈ సినిమాకు పాజిటివ్ టాక్ రావడంతో థియేటర్లలో మంచి స్పందన లభిస్తోంది. విడుదలకు ముందే అడ్వాన్స్ బుకింగ్స్‌లో భారీ వసూళ్లు సాధించిన ఈ చిత్రం.. తొలి రోజు కూడా బాక్సాఫీస్ వద్ద సాలిడ్ కలెక్షన్లు నమోదు చేసింది. ముఖ్యంగా హిందీ వెర్షన్‌తో పాటు దక్షిణాది భాషల్లోనూ సినిమా మంచి వసూళ్లు సాధించడం విశేషం. తొలి రోజు ప్రపంచవ్యాప్తంగా ‘రామాయణ’ రూ.100 కోట్లకు పైగా గ్రాస్ వసూళ్లు సాధించినట్లు ట్రేడ్ వర్గాల అంచనాలు చెబుతున్నాయి. విడుదలకు ముందే అడ్వాన్స్ బుకింగ్స్ ద్వారా రూ.118 కోట్లకు పైగా వసూళ్లు సాధించినట్లు ప్రచారం జరిగింది.

ఇక సినిమా విడుదలైన తర్వాత కూడా ప్రేక్షకుల ఆదరణ కొనసాగడంతో మొదటి రోజు కలెక్షన్లు భారీ స్థాయిలో నమోదయ్యాయి. దేశీయ బాక్సాఫీస్ వద్ద కూడా ఈ సినిమా మంచి ప్రదర్శన కనబరిచింది. తొలి రోజు ఇండియాలో సుమారు రూ.77.50 కోట్ల గ్రాస్, రూ.64.85 కోట్ల నెట్ వసూళ్లు సాధించినట్లు ట్రేడ్ అంచనాలు వెల్లడిస్తున్నాయి. భాషల వారీగా వసూళ్ల వివరాలు చూస్తే..హిందీ: రూ.47.50 కోట్లు, కన్నడ: రూ.7.25 కోట్ల గ్రాస్, తెలుగు: రూ.6 కోట్ల గ్రాస్ సాధించాయి. ఈ వసూళ్లలో హిందీ వెర్షన్ ప్రధాన వాటాను అందించింది. ఉత్తరాది ప్రేక్షకుల నుంచి సినిమాకు మంచి ఆదరణ లభిస్తోంది. మరోవైపు తెలుగు వెర్షన్ కూడా రూ.6 కోట్ల గ్రాస్ వసూళ్లు సాధించడం విశేషం.

ఈ చిత్రంలో రణ్‌బీర్ కపూర్ శ్రీరాముడిగా, సాయిపల్లవి సీతాదేవిగా, యశ్ రావణాసురుడిగా నటించారు. లక్ష్మణుడిగా రవి దూబే కనిపించగా, హనుమంతుడి పాత్రను సన్నీ డియోల్ పోషించారు. భారీ తారాగణం, అత్యాధునిక విజువల్ ఎఫెక్ట్స్, అద్భుతమైన నిర్మాణ విలువలతో ఈ చిత్రాన్ని రూపొందించారు. మొత్తానికి పాజిటివ్ టాక్, భారీ అడ్వాన్స్ బుకింగ్స్‌తో ‘రామాయణ’ మొదటి రోజే బాక్సాఫీస్ వద్ద మంచి ఆరంభాన్ని అందుకుంది. తొలి రోజు వసూళ్లతోనే ఈ సినిమా ప్రేక్షకుల్లో ఎంతటి ఆసక్తిని సృష్టించిందో స్పష్టమవుతోంది. ఇక వారాంతంలో కలెక్షన్లు మరింత పెరిగి ఎలాంటి కొత్త రికార్డులను సృష్టిస్తాయో చూడాలి.