Ramam Raghavam | తండ్రీకొడుకుల అనుబంధం.. ‘రామం రాఘవం’ ట్రైల‌ర్‌ రిలీజ్

Samutrakhani | సముద్రఖని, ధ‌న్‌రాజ్‌ ప్రధాన పాత్రల్లో న‌టిస్తున్న తాజా చిత్రం ‘రామం రాఘవం’. ఈ సినిమా ట్రైల‌ర్‌ను మేక‌ర్స్ తాజాగా విడుద‌ల చేశారు.

Ramam Raghavam | త‌మిళ‌ ద‌ర్శ‌కుడు, న‌టుడు సముద్రఖని (Samutrakhani), ధ‌న్‌రాజ్‌ ప్రధాన పాత్రల్లో న‌టిస్తున్న తాజా చిత్రం ‘రామం రాఘవం’ (Ramam Raghavam). ఈ సినిమాతో జ‌బ‌ర్త‌స్థ్ న‌టుడు ధనరాజ్ ద‌ర్శ‌కుడిగా ప‌రిచ‌యం అవుతున్నాడు. స్లేట్ పెన్సిల్ స్టోరీస్ బ్యానర్ పై ప్రభాకర్ ఆరిపాక సమర్పణలో పృథ్వి పొలవరపు నిర్మిస్తున్నాడు. తండ్రీకొడుకుల సెంటిమెంట్‌ నేపథ్యంలో వ‌స్తున్న ఈ సినిమాకు సంబంధించి ఇప్ప‌టికే ఫ‌స్ట్ లుక్‌తో పాటు టీజ‌ర్‌ని విడుద‌ల చేయ‌గా.. ప్రేక్ష‌కుల‌ను ఆక‌ట్టుకుంది.

ఇదిలావుంటే ఈ సినిమాను ఫిబ్ర‌వ‌రి 21న ప్రేక్ష‌కుల ముందుకు తీసుకురాబోతున్నారు మేక‌ర్స్. ఈ సంద‌ర్భంగా మూవీ ట్రైల‌ర్‌(Ramam Raghavam)ను హీరో నాని విడుద‌ల చేశారు. అనంత‌రం చిత్ర‌బృందానికి అభినంద‌న‌లు తెలిపారు. ఈ ట్రైల‌ర్ చూస్తుంటే.. త‌న కొడుకు జీవితంలో గొప్ప‌గా ఎద‌గాల‌ని ఒక తండ్రి ఆశిస్తుండ‌గా.. నాన్న త‌న‌ను అస‌లే అర్థం చేసుకోవ‌డం లేద‌ని బాధ‌ప‌డుతున్న కొడుకు సంఘ‌ర్ష‌ణ నేప‌థ్యంలో ఈ సినిమా రాబోతుంది.

మోక్ష, హరీష్ ఉత్తమన్, సత్య పృద్వి, శ్రీనివాసరెడ్డి, చిత్రం శ్రీను, ప్రమోదిని, రాకెట్ రాఘవ, రచ్చ రవి, ఇంటూరి వాసు, తదితరులు నటిస్తున్న ఈ చిత్రానికి విమానం చిత్ర దర్శకుడు శివ ప్రసాద్ యానాల కథ ను సమకూర్చగా అరుణ్ చిలువేరు సంగీతం అందిస్తున్నాడు, మార్తాండ్ కె వెంకటేష్ ఎడిటర్. దుర్గా ప్రసాద్ ఈ సినిమాకు కెమెరామెన్.