మీకు సుపరిచితుడు మీలో ఒకడు..

రామ్‌ పోతినేని కథానాయకుడిగా మహేశ్‌బాబు.పి దర్శకత్వంలో మైత్రీ మూవీమేకర్స్‌ సంస్థ ఓ చిత్రాన్ని నిర్మిస్తున్న విషయం తెలిసిందే. ఇంకా టైటిల్‌ని ఖరారు చేయని ఈ చిత్రంలో ‘సాగర్‌' అనే పాత్రలో రామ్‌ కనిపించనున్నారు.

రామ్‌ పోతినేని కథానాయకుడిగా మహేశ్‌బాబు.పి దర్శకత్వంలో మైత్రీ మూవీమేకర్స్‌ సంస్థ ఓ చిత్రాన్ని నిర్మిస్తున్న విషయం తెలిసిందే. ఇంకా టైటిల్‌ని ఖరారు చేయని ఈ చిత్రంలో ‘సాగర్‌’ అనే పాత్రలో రామ్‌ కనిపించనున్నారు. శుక్రవారం ఆయన పాత్రను పరిచయం చేస్తూ ‘మీకు సుపరిచితుడు.. మీలో ఒకడు.. మీ సాగర్‌’ అనే అక్షరాలు పొందుపరచిన రామ్‌ ఫస్ట్‌లుక్‌ని మేకర్స్‌ విడుదల చేశారు. ఇక ఈ లుక్‌ విషయానికొస్తే.. వింటేజ్‌ ఫీలింగ్‌ కలిగేలా రామ్‌ లుక్‌ ఉండటం గమనార్హం.

పాత రోజుల్లో ఉపయోగించే సైకిల్‌, లాంగ్‌ హెయిర్‌ అండ్‌ క్లీన్‌ షేవ్‌తో అందంగా నవ్వుతూ రామ్‌ ఈ ఫస్ట్‌లుక్‌లో కనిపిస్తున్నారు. ఈ సినిమా రెగ్యులర్‌ షూటింగ్‌ మొదలైందని, ప్రస్తుతం హైదరాబాద్‌ శివారుల్లోనే షూటింగ్‌ జరుగుతున్నదని మేకర్స్‌ తెలిపారు. భాగ్యశ్రీబోర్సే కథానాయికగా నటిస్తున్న ఈ చిత్రానికి కెమెరా: మధు నీలకందన్‌, సంగీతం: వివేక్‌-మెర్విన్‌, నిర్మాతలు: నవీన్‌ యర్నేని, రవిశంకర్‌ యలమంచిలి.