Peddi First Shot | రామ్ చ‌ర‌ణ్ ‘పెద్ది’ ఫ‌స్ట్ గ్లింప్స్ రిలీజ్

Ram Charan | గ్లోబ‌ల్ స్టార్ రామ్ చ‌ర‌ణ్(Ram Charan) ప్ర‌ధాన పాత్ర‌లో న‌టిస్తున్న తాజా చిత్రం పెద్ది(Peddi) నుంచి మేక‌ర్స్ గ్లింప్స్ విడుద‌ల చేశారు.

Ram Charan 16 Movie | గ్లోబ‌ల్ స్టార్ రామ్ చ‌ర‌ణ్(Ram Charan) ప్ర‌ధాన పాత్ర‌లో న‌టిస్తున్న తాజా చిత్రం పెద్ది(Peddi). ఈ సినిమాకు ‘ఉప్పెన’ఫేం బుచ్చిబాబు సానా(Buchibabu Sana) దర్శకత్వం వ‌హిస్తుండ‌గా.. జాన్వీ క‌పూర్(Jahnvi Kapoor) క‌థానాయిక‌గా న‌టిస్తుంది. ఉత్త‌రాంధ్ర స్పోర్ట్స్ బ్యాక్‌డ్రాప్‌లో ఈ సినిమా రాబోతుండ‌గా.. మైత్రీమూవీమేకర్స్‌, సుకుమార్‌ రైటింగ్స్‌ సమర్పణలో, వృద్ధి సినిమాస్‌ పతాకంపై వెంకట సతీష్‌ కిలారు ఈ సినిమాను నిర్మిస్తున్నాడు. ఇప్ప‌టికే ఫ‌స్ట్ లుక్ విడుద‌ల చేసిన చిత్ర‌బృందం శ్రీరామిన‌వ‌మి కానుక‌గా ఫ‌స్ట్ గ్లింప్స్‌ను విడుద‌ల చేసింది.

ఫ‌స్ట్ షాట్‌(Peddi First Shot) అంటూ ఈ వీడియోను విడుద‌ల చేయ‌గా.. ఒకటే పని చేయడానికి.. ఒకే లాగా బతకడానికి ఇంత పెద్ద బతుకెందుకు. ఏదేమైనా ఈ నెల మీద ఉన్నప్పుడే చేసేయాలి. పుడ‌తామా ఏంటి మ‌ళ్లీ అంటూ రామ్ చ‌ర‌ణ్ డైలాగ్‌తో ఈ గ్లింప్స్ సాగింది. ఇందులో రామ్ చ‌ర‌ణ్ గ‌ల్లీ క్రికెట‌ర్‌గా క‌నిపించ‌బోతున్న‌ట్లు తెలుస్తుంది. ఈ పాన్‌ఇండియా ప్రాజెక్ట్‌లో కన్న‌డ చ‌క్ర‌వ‌ర్తి శివ‌రాజ్ కుమార్ కీల‌క పాత్ర‌ల్లో న‌టిస్తుండగా.. ఆస్కార్ అవార్డు గ్ర‌హీత ఏఆర్ రెహ‌మాన్ ఈ సినిమాకు సంగీతం అందించ‌బోతున్నాడు. బాలీవుడ్ న‌టుడు ‘మీర్జాపూర్‌’ వెబ్ సిరీస్‌లో మున్నాభాయ్య‌గా న‌టించిన‌ దివ్యేందు శర్మ ఇందులో విల‌న్ పాత్ర‌లో న‌టిస్తున్నాడు.