Rakul preet | దాచేస్తే దాగదు

సాధారణంగా సినీ తారలు ప్రేమ వ్యవహారాల్లో గోప్యతను పాటిస్తుంటారు. తమ లవ్‌లైఫ్‌ గురించి బాహాటంగా స్పందిస్తే మీడియా అటెన్షన్‌తో పాటు సాంఘిక మాధ్యమాల్లో అనవసరమైన గాసిప్స్‌ ప్రచారంలోకి వస్తాయని భయపడతారు.

సాధారణంగా సినీ తారలు ప్రేమ వ్యవహారాల్లో గోప్యతను పాటిస్తుంటారు. తమ లవ్‌లైఫ్‌ గురించి బాహాటంగా స్పందిస్తే మీడియా అటెన్షన్‌తో పాటు సాంఘిక మాధ్యమాల్లో అనవసరమైన గాసిప్స్‌ ప్రచారంలోకి వస్తాయని భయపడతారు. అయితే పంజాబీ సుందరి రకుల్‌ప్రీత్‌సింగ్‌ మాత్రం అందుకు పూర్తి భిన్నం. బాలీవుడ్‌ నిర్మాత జాకీ భగ్నానీతో తన ప్రేమ వ్యవహారం గురించి రెండేళ్ల క్రితమే ఇన్‌స్టాగ్రామ్‌ ద్వారా వెల్లడించిందీ భామ. రహస్య ప్రేమలపై తనకు నమ్మకం లేదని, ప్రస్తుతం తాను జీవితంలో అత్యంత సంతోషకరమైన దశలో ఉన్నానని ఇటీవల ఓ ఇంటర్వ్యూలో చెప్పింది రకుల్‌ప్రీత్‌సింగ్‌.

పెళ్లి వార్తలపై ఈ భామ స్పందిస్తూ ‘ సెలబ్రిటీలు ప్రేమ వ్యవహారాల్ని దాచడం అంత సులభంకాదు. అందుకే నేను ముందే చెప్పేశా. ఇక నా పెళ్లి గురించి చాలా వార్తలొస్తున్నాయి. గత డిసెంబర్‌లో సీక్రెట్‌ మ్యారేజ్‌ చేసుకున్నానని వదంతులు సృష్టించారు. ఫిబ్రవరిలోనే పెళ్లి జరిగిపోయిందంటూ సోషల్‌మీడియాలో ప్రచారం చేశారు. ఆ ప్రకారం నాకు రెండుసార్లు పెళ్లి జరిగిపోయినట్లే’ అంటూ చమత్కరించింది . ప్రస్తుతం ఈ భామ ‘ఇండియన్‌-2’ ‘ఆయలాన్‌’ చిత్రాల్లో నటిస్తున్నది.