ప్రస్తుతం హిందీ చిత్రసీమలో తన అదృష్టాన్ని పరీక్షించుకుంటున్నది పంజాబీ సుందరి రకుల్ప్రీత్సింగ్. ‘కొండపొలం’ తర్వాత తెలుగులో మరే చిత్రంలోనూ నటించలేదీ భామ. బాలీవుడ్లో మాత్రం ప్రయోగాత్మక కథాంశాలతో సత్తా చాటుతున్నది. డాక్టర్ జీ, ఛత్రీవాలీ వంటి చిత్రాలు ఆమె నటనలోని వైవిధ్యాన్ని ఆవిష్కరించాయి.
ఇటీవల ఇచ్చిన ఓ ఇంటర్వ్యూలో సినిమాల ఎంపికలో తన ప్రాధాన్యతల గురించి రకుల్ప్రీత్సింగ్ మాట్లాడుతూ ‘ప్రయోగాత్మక చిత్రాలతో పాటు మాస్ మాసాల కథాంశాల్లో కూడా నటించాలనుంది. ప్రతి సినిమాలో నటనాపరంగా సవాళ్లను స్వీకరించాలి. గత కొంతకాలంగా బాలీవుడ్లో కాన్సెప్ట్ ఓరియెంటెడ్ చిత్రాల్లోనే అవకాశాలొస్తున్నాయి. చక్కటి కమర్షియల్ కథలో నటించే అవకాశం కోసం ఎదురుచూస్తున్నా’ అని పేర్కొంది.