Jailer 2 | రజినీకాంత్ ‘జైలర్ 2’ సునామీ.. 5 రోజుల్లోనే రూ. 500 కోట్ల వసూళ్లు!

Jailer 2 | సూపర్‌స్టార్ రజినీకాంత్ నటించిన తాజా చిత్రం ‘జైలర్ 2’ బాక్సాఫీస్ వద్ద సంచలనాలు సృష్టిస్తోంది. నెల్సన్ దిలీప్‌కుమార్ దర్శకత్వంలో తెరకెక్కిన ఈ యాక్షన్ డ్రామా విడుదలైన కేవలం 5 రోజుల్లోనే ప్రపంచవ్యాప్తంగా రూ. 500 కోట్ల మార్క్‌ను దాటేసి సరికొత్త రికార్డు సృష్టించింది.

Jailer 2 | సూపర్‌స్టార్ రజినీకాంత్ నటించిన తాజా చిత్రం ‘జైలర్ 2’ బాక్సాఫీస్ వద్ద సంచలనాలు సృష్టిస్తోంది. నెల్సన్ దిలీప్‌కుమార్ దర్శకత్వంలో తెరకెక్కిన ఈ యాక్షన్ డ్రామా విడుదలైన కేవలం 5 రోజుల్లోనే ప్రపంచవ్యాప్తంగా రూ. 500 కోట్ల మార్క్‌ను దాటేసి సరికొత్త రికార్డు సృష్టించింది. సన్ పిక్చర్స్ నిర్మించిన ఈ చిత్రంలో రమ్యకృష్ణ, యోగి బాబు, విద్యాబాలన్, మిథున్ చక్రవర్తి తదితరులు కీలక పాత్రలు పోషించగా, అనిరుధ్ రవిచందర్ సంగీతం అందించారు. దసరా సెలవులు, వీకెండ్ కలిసిరావడంతో సినిమా కలెక్షన్లకు తిరుగులేకుండా పోయింది.

ట్రేడ్ వర్గాల అంచనాల ప్రకారం.. ఈ చిత్రం ఐదో రోజు రూ. 43.35 కోట్ల నెట్ వసూళ్లను రాబట్టడంతో, ఇండియాలో దీని మొత్తం నెట్ కలెక్షన్స్ రూ. 287.80 కోట్లకు చేరుకున్నాయి. ప్రపంచవ్యాప్తంగా చూస్తే రూ. 541 కోట్లకు పైగా గ్రాస్ కలెక్షన్లతో దూసుకుపోతున్న ఈ సినిమా, 2026 సంవత్సరంలో అత్యధిక వసూళ్లు సాధించిన మూడో భారతీయ చిత్రంగా నిలిచింది. ఈ జాబితాలో రణ్‌వీర్ సింగ్ ‘ధురంధర్ 2’, అజయ్ దేవగన్ ‘దృశ్యం 3’ చిత్రాలు తొలి రెండు స్థానాల్లో ఉండగా, త్వరలోనే ‘జైలర్ 2’ రెండో స్థానానికి చేరుకునే అవకాశం ఉంది. మొదటి భాగం ‘జైలర్’ లైఫ్‌టైమ్ కలెక్షన్స్ (రూ. 604.74 కోట్లు) రికార్డును కూడా ఈ సీక్వెల్ అతి త్వరలోనే బ్రేక్ చేసేలా కనిపిస్తోంది.