Kantara 2 | కాంతార-2లో రజినీకాంత్.. రిషబ్‌శెట్టి మౌనం వెనుక అర్థం అదేనా?

కాంతార’ చిత్రం గత ఏడాది సంచలన విజయాన్ని సొంతం చేసుకున్న విషయం తెలిసిందే. కన్నడంలో ఎలాంటి అంచనాలు లేకుండా విడుదలైన ఈ చిత్రం దేశవ్యాప్తంగా ప్రేక్షకుల్ని మెప్పించింది. బాక్సాఫీస్‌ వద్ద కూడా రికార్డు స్థాయిలో వసూళ్లను సాధించింది.

Kantara 2 | ‘కాంతార’ చిత్రం గత ఏడాది సంచలన విజయాన్ని సొంతం చేసుకున్న విషయం తెలిసిందే. కన్నడంలో ఎలాంటి అంచనాలు లేకుండా విడుదలైన ఈ చిత్రం దేశవ్యాప్తంగా ప్రేక్షకుల్ని మెప్పించింది. బాక్సాఫీస్‌ వద్ద కూడా రికార్డు స్థాయిలో వసూళ్లను సాధించింది. ఈ సినిమాకు ప్రీక్వెల్‌ను రూపొందించబోతున్నట్టు చిత్ర దర్శకుడు, హీరో రిషబ్‌శెట్టి కొద్ది రోజుల క్రితం ప్రకటించారు. ఇందుకోసం కథాపరంగా పరిశోధన చేస్తున్నానని ఆయన తెలిపారు. తాజాగా ఈ ప్రీక్వెల్‌లో రజనీకాంత్‌ కీలక పాత్రలో నటించనున్నట్టు వార్తలొస్తున్నాయి.

ఇటీవల ఓ కార్యక్రమానికి హాజరైన రిషబ్‌శెట్టిని ఈ విషయం గురించి అడగ్గా ఆయన సమాధానం చెప్పకుండా మౌనంగా ఉండిపోయారు. దాంతో ‘కాంతార-2’లో రజనీకాంత్‌ భాగం కావొచ్చనే వార్తలకు బలం చేకూరినట్టయిందని అంటున్నారు. ‘కాంతార’ విడుదల అనంతరం సినిమాపై ప్రశంసలు కురిపించారు రజనీకాంత్‌. చెన్నైలోని తన స్వగృహానికి రిషబ్‌శెట్టిని ఆహ్వానించి అభినందించారు. ‘కాంతార-2’ చిత్రం జూన్‌లో సెట్స్‌మీదకు వెళ్లనుందని చెబుతున్నారు.