Rajinikanth Tears | ర‌జనీకాంత్‌ను ఏడిపించిన డైరెక్ట‌ర్..తలైవా మాటల్లోనే..

ర‌జ‌నీకాంత్ (Rajinikanth) న‌టించిన చిత్రం అన్నాత్తే (Annaatthe). తెలుగులో పెద్ద‌న్న‌గా ఇటీవ‌లే ప్రేక్ష‌కుల ముందుకొచ్చింది. హూట్ యాప్ ద్వారా శివ‌తో ప‌నిచేసిన అనుభ‌వాన్ని షేర్ చేసుకున్నాడు ర‌జనీకాంత్‌.

November 16, 2021 / 05:37 PM IST

Rajinikanth Tears | ర‌జనీకాంత్‌ను ఏడిపించిన డైరెక్ట‌ర్..తలైవా మాటల్లోనే..

త‌మిళ సూప‌ర్‌స్టార్ ర‌జ‌నీకాంత్ (Rajinikanth) న‌టించిన చిత్రం అన్నాత్తే (Annaatthe). తెలుగులో పెద్ద‌న్న‌గా ఇటీవ‌లే ప్రేక్ష‌కుల ముందుకొచ్చింది. తెలుగులో మిక్స్‌డ్ టాక్ తెచ్చుకున్న ఈ మూవీ త‌మిళ్‌లో మాత్రం సూప‌ర్ హిట్ టాక్ తెచ్చుకుంది. డైరెక్ట‌ర్ శివ (Siva) తొలిసారి ర‌జ‌నీకాంత్‌తో సినిమా చేశాడు. హూట్ యాప్ ద్వారా శివ‌తో ప‌నిచేసిన అనుభ‌వాన్ని షేర్ చేసుకున్నాడు ర‌జనీకాంత్‌.

‘పేట, విశ్వాసం సినిమాలు ఒకే టైంలో విడుదలయ్యాయి. ఈ రెండు సినిమాలు బాక్సాఫీస్ వద్ద సూపర్ హిట్స్ గా నిలిచాయి. నేను విశ్వాసం (Vishwasam) నిర్మాతను సంప్రదించి నాకు సినిమా స్క్రీనింగ్ ఏర్పాటు చేయమని అడిగాను. సినిమా చూసిన త‌ర్వాత ఫస్ట్ హాఫ్‌లో ఈ చిత్రం ఇంత పెద్ద హిట్ అయ్యేంత ప్రత్యేకత ఏముంద‌నుకున్నా. కానీ క్లైమాక్స్‌కి వచ్చేసరికి సినిమా రంగు మారిపోయింది. సినిమా పూర్త‌యిన త‌ర్వాత చప్పట్లు కొట్ట‌డం ఆపేశాను. ఆ తర్వాత నిర్మాత త్యాగరాజన్‌ని అభినందించి, శివతో మాట్లాడాల‌ని ఆస‌క్తిగా ఉంద‌ని’ చెప్పానన్నారు.

‘శివ‌తో మొద‌టి సంభాష‌ణ త‌ర్వాత అతడిపై బాగా న‌మ్మ‌కం పెరిగింది. శివ చాలా అమాయ‌కంగా, నిజాయితీగా ఉంటాడు. నీ ద‌గ్గ‌ర నా కోసం ఏదైనా క‌థ ఉందా..? మ‌నం విశ్వాసం సినిమాలా మంచి హిట్టు కొట్టాల‌ని శివ‌ను అడిగాను. దీనికి శివ స్పందిస్తూ..మీతో హిట్ సినిమా తీయ‌డం చాలా సులభమ‌ని నాతో అన్నాడు. గ‌తంలో ఏ ద‌ర్శ‌కుడు నాతో ఇలాంటి కామెంట్ చేయ‌లేదు. శివకున్న‌ ఆత్మ‌విశ్వాసం బాగా న‌చ్చింది. నా కోసం 20 రోజుల్లో క‌థ సిద్దం చేశాడు. రెండు గంట‌ల‌కుపైగా నాకు క‌థ వినిపించాడు. క‌థ విన్న త‌ర్వాత నాకు క‌న్నీళ్లు వ‌చ్చాయి. నాకు ఎలా క‌థ చెప్పాడో..అలానే సినిమా చేయాల‌ని చెప్పాను. క‌థ‌నం కంటే ఉత్త‌మంగా సినిమా చేస్తాన‌ని నాకు మాటిచ్చాడని’ చెప్పుకొచ్చారు ర‌జనీకాంత్.