Raja Vaaru Rani Gaaru | ఎస్ఆర్ కల్యాణమండపం సినిమాతో హీరోగా సూపర్ క్రేజ్ సంపాదించుకున్నాడు కిరణ్ అబ్బవరం (Kiran Abbavaram). ప్రస్తుతం రుథిరమ్ కృష్ణ దర్శకత్వంలో రూల్స్ రంజన్ (Rules Ranjann) సినిమాలో నటిస్తున్నాడు. డీజే టిల్లు ఫేం నేహాశెట్టి హీరోయిన్గా నటిస్తోన్న ఈ సినిమా సెప్టెంబర్ 28న గ్రాండ్గా విడుదల కానుంది.
ఇదిలా ఉంటే కిరణ్ అబ్బవరం రాజా వారు రాణి గారు (Raja Vaaru Rani Gaaru) సినిమాతో సిల్వర్ స్క్రీన్ డెబ్యూ ఇచ్చాడని తెలిసిందే. రవి కిరణ్ కోల డైరెక్ట్ చేసిన ఈ మూవీ 2019 నవంబర్ 29న విడుదలైంది. అయితే ఈ సినిమా టీవీలో మాత్రం విడుదల కాలేదు. సుమారు నాలుగేళ్ల తర్వాత రాజా వారు రాణి గారు టీవీ ప్రీమియర్ డేట్ వచ్చేసింది. రాజా వారు రాణి వారు సెప్టెంబర్ 10న సాయంత్రం 06:30 గంటలకు ఈటీవీ ఛానల్లో ప్రీమియర్ కానుంది.
ఈ సినిమాతో రహస్య గోరక్ కూడా హీరోయిన్గా డెబ్యూ ఇచ్చింది. రాజ్కుమార్ కసిరెడ్డి, యజుర్వేద్ గుర్రం కీలక పాత్రల్లో నటించారు. ఎస్ఎల్ ఎంటర్టైన్మెంట్స్ బ్యానర్పై తెరకెక్కిన ఈ మూవీకి జే క్రిష్ సంగీతం అందించాడు. మరి ఇన్నాళ్లు గ్యాప్ తర్వాత వస్తున్న ఈ చిత్రానికి టీవీలో ఎలాంటి స్పందన వస్తుందనేది చూడాలి. కిరణ్ అబ్బవరం మరోవైపు విశ్వకరుణ్ దర్శకత్వంలో KA9 (KA9)కు కూడా గ్రీన్ సిగ్నల్ ఇచ్చాడని తెలిసిందే.