అన్యాయంపై తిరగబడరాసామీ..

ఎ.ఎస్‌.రవికుమార్‌చౌదరి దర్శకత్వంలో రాజ్‌తరుణ్‌ హీరోగా రూపొందుతోన్న హై వోల్టేజ్‌ యాక్షన్‌, ఎమోషనల్‌ డ్రామా ‘తిరగబడరాసామీ’. మల్వి మల్హోత్రా కథానాయిక.

ఎ.ఎస్‌.రవికుమార్‌చౌదరి దర్శకత్వంలో రాజ్‌తరుణ్‌ హీరోగా రూపొందుతోన్న హై వోల్టేజ్‌ యాక్షన్‌, ఎమోషనల్‌ డ్రామా ‘తిరగబడరాసామీ’. మల్వి మల్హోత్రా కథానాయిక. మల్కాపురం శివకుమార్‌ నిర్మాత. ఆగస్ట్‌ 2న ప్రపంచవ్యాప్తంగా సినిమా విడుదల కానుంది. ప్రమోషన్‌లో భాగంగా ఈ సినిమా టైటిల్‌సాంగ్‌ని మేకర్స్‌ విడుదల చేశారు.

‘తిరగబడరాసామీ..’ అంటూ సాగే ఈ పాటను సుద్దాల అశోక్‌తేజ రాయగా, జేబీ స్వరపరిచారు. సాయిచరణ్‌, లోకేశ్వర్‌ ఈదర, చైతు సత్సంగి ఈ పాటను ఆలపించారు. రాజ్‌తరుణ్‌ పాత్ర తీరుతెన్నులను ఆవిష్కరించేలా ఈ పాట సాగిందని చిత్రీకరణ చూస్తే అర్థమవుతున్నది. మన్నారా చోప్రా కీలక పాత్ర పోషిస్తున్న చిత్రంలో మకరంద్‌ దేశ్‌పాండే, రఘుబాబు, జాన్‌విజయ్‌, అంకిత ఠాకూర్‌ ఇతర పాత్రధారులు. ఈ చిత్రానికి కెమెరా: జవహర్‌రెడ్డి, నిర్మాణం: సురక్ష్‌ ఎంటర్‌టైన్‌మెంట్‌ మీడియా.