Raghav Chadha | పరిణీతి నా జీవితాన్నే మార్చేసింది.. నటితో బంధంపై తొలిసారి స్పందించిన ఆప్‌ ఎంపీ

Raghav Chadha | బాలీవుడ్‌ (Bollywood) నటి పరిణీతి చోప్రా (Parineeti Chopra) తన జీవితాన్నే మార్చేసిందని ఆప్‌ ఎంపీ (AAP MP) రాఘవ్‌ చద్దా (Raghav Chadha) అన్నారు. నటితో తన బంధంపై రాఘవ్‌ చద్దా తొలిసారి స్పందించారు.

May 24, 2023 / 12:39 PM IST

Raghav Chadha | పరిణీతి నా జీవితాన్నే మార్చేసింది.. నటితో బంధంపై తొలిసారి స్పందించిన ఆప్‌ ఎంపీ

Raghav Chadha | బాలీవుడ్‌ (Bollywood) నటి పరిణీతి చోప్రా (Parineeti Chopra) తన జీవితాన్నే మార్చేసిందని ఆప్‌ ఎంపీ (AAP MP) రాఘవ్‌ చద్దా (Raghav Chadha) అన్నారు. నటితో ఎంపీ ఎంగేజ్‌మెంట్‌ ఇటీవల ఘనంగా జరిగిన విషయం తెలిసిందే. గత కొంతకాలంగా ప్రేమలో ఉన్న ఈ జంట ఈనెల 13వ తేదీన ఇరువురి కుటుంబ సభ్యులు, అత్యంత సన్నిహితుల సమక్షంలో ఉంగరాలు మార్చుకున్నారు. కాగా, నటితో తన బంధంపై రాఘవ్‌ చద్దా తొలిసారి స్పందించారు.

ఒక మంచి రోజు ఆ అందమైన అమ్మాయి (పరిణీతి చోప్రా) తన జీవితంలోకి వచ్చిందని చెప్పారు. అప్పటి నుంచి తన జీవితమే మారిపోయిందన్నారు. తన ప్రయాణాన్ని పరిణీతి రంగులమయంగా మార్చిందని.. ఎన్నో నవ్వుల్ని, సంతోషాల్ని తెచ్చిందని చెప్పారు. తమ నిశ్చితార్థం ఎంతో సంతోషకరంగా జరిగిపోయిందని, అందులో ఎలాంటి ఆశ్చర్యం లేదన్నారు. ఆనందబాష్పాలు, చిరునవ్వులు, సంతోషాలు, డ్యాన్సులతో నిండిపోయిందని గుర్తు చేసుకున్నారు. ఈ వేడుక తమ ప్రియమైన వారిని మరింత దగ్గర చేసిందంటూ ఇన్‌స్టాగ్రామ్‌లో రాసుకొచ్చారు. ఈ మేరకు నిశ్చితార్థానికి సంబంధించిన ఫొటోలను పంచుకున్నారు.

ఢిల్లీలోని రాజీవ్‌ చౌక్‌లో గల కపుర్తాల హౌస్‌లో పరిణీతి, రాఘవ్‌ నిశ్చితార్థ వేడుక ఘనంగా జరిగిన విషయం తెలిసిందే. ఈ వేడుకకు ఇరు కుటుంబ సభ్యులతో పాటు స్నేహితులు, చిత్ర పరిశ్రమలోని సహచరులు హాజరయ్యారు. ఢిల్లీ ముఖ్యమంత్రి అరవింద్‌ కేజ్రీవాల్‌, పంజాబ్‌ సీఎం భగవంత్‌ మాన్‌, పరిణీతి సోదరి ప్రియాంకా చోప్రా తదితరులు హాజరై కాబోయే కొత్త జంటను ఆశీర్వదించారు.