Pushpa: ర‌ష్మిక మ‌రో లుక్ విడుద‌ల చేస్తూ సెకండ్ సాంగ్ ఎప్పుడో చెప్పిన మేక‌ర్స్

ప్ర‌స్తుతం టాలీవుడ్‌లో తెర‌కెక్కుతున్న క్రేజీ ప్రాజెక్ట్స్‌లో పుష్ప ఒక‌టి. పాన్ ఇండియా లెవల్లో రెండు భాగాలుగా రూపొందుతున్న ఈ మూవీలో రష్మిక మందన్నా హీరోయిన్‏గా నటిస్తుంది. ఈ చిత్రానికి దేవీ శ్రీ ప్రసాద్ సంగీతం అందిస్తుండగా.. భారీ బడ్జెట్‏తో ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తున్నారు. డిసెంబ‌ర్ 17న చిత్రాన్ని విడుద‌ల చేయ‌నున్న‌ట్టు ఇటీవ‌ల ప్ర‌క‌టించారు. ఈ క్ర‌మంలో ప్ర‌మోష‌న్ స్పీడ్ కూడా వేగ‌వంతం చేశారు.

పుష్ప మూవీ నుంచి విడుద‌లైన తొలి సాంగ్ ‘దాక్కో దాక్కో మేక’ ఏ రేంజ్ లో ట్రెండ్ అవుతుందో తెల్సిందే. ఇప్పటికిప్పుడు యూట్యూబ్ చూసినా, ఏదో ఒక రికార్డ్ బద్దలవుతూ కనిపిస్తుంది. అందుకే వేడి తగ్గకుండా, మరో సింగిల్ ను రిలీజ్ చేసేందుకు యూనిట్ రెడీ అవుతోంది. ఈ సాంగ్ అక్టోబ‌ర్ 13న విడుద‌ల కానుంద‌ని తెలియ‌జేస్తూ ర‌ష్మిక లుక్‌కి సంబంధించిన పోస్ట‌ర్ విడుద‌ల చేశారు. చూస్తుంటే సెకండ్ సాంగ్ శ్రీవ‌ల్లి పాత్ర పోషిస్తున్న ర‌ష్మిక పై ఉంటుంద‌ని అర్ధ‌మ‌వుతుంది. ‘రంగస్థలం’లో ‘ఎంత సక్కగున్నావే’ అంటూ సమంతను దిష్టి తగిలేలా చూపించాడు సుకుమార్. ఇప్పుడు రష్మికపై కూడా అలానే చిత్రీక‌రించి ఉంటాడ‌ని ‘పుష్ప’రాజ్ అభిమానులు ఆశిస్తున్నారు.