పింకీతో గొడవ.. ఇన్ని రోజులకు మానస్‌లో ఆ తెగింపు కనిపించింది..

December 2, 2021 / 04:37 PM IST

Priyanka singh and manas | బిగ్‌బాస్ 5 తెలుగు చూస్తుండగానే 13వ వారంలోకి వచ్చేసింది. మరో రెండు మూడు రోజుల్లో అది కూడా అయిపోతుంది. ఇప్పటి వరకు జరిగిన షోను బట్టి కారెక్టర్స్ ఈజీగా అర్థమైపోయాయి ప్రేక్షకులకు. అందులో కొందరు గొడవలు పెట్టుకోడానికి.. మరికొందరు గొడవలకు దూరంగా ఉండటానికి ప్రయత్నిస్తుంటారు. అయితే మొదటి రకం కంటెస్టెంట్స్ ఇప్పుడు ఇంట్లో కొందరున్నారు. కానీ రెండో రకం మాత్రం ఒక్కరిద్దరు మాత్రమే ఉన్నారు. గొడవలకు దూరంగా ఉండటానికి ప్రయత్నించే వాళ్లలో మానస్ కూడా ఉంటాడు. ఈయన తన పనేదో తాను చూసుకుంటాడు. పాయింట్ కరెక్టుగా మాట్లాడి.. అక్కడ్నుంచి వెళ్లిపోతాడు. తాను చెప్పాలనుకున్నది కన్ఫ్యూజన్ లేకుండా.. క్లారిటీగా చెప్తాడు ఈయన. ఇప్పుడు కూడా ఇదే చేశాడు. తాజాగా ప్రియాంక సింగ్‌తో జరిగిన మాన‌స్‌ కాన్వర్షేషన్‌పై ఇప్పుడు సోషల్ మీడియాలో ప్రచారం జరుగుతుంది.

బ‌య‌ట బెంచ్‌పై కూర్చుని మాన‌స్‌, ప్రియాంక మాట్లాడుకుంటున్నపుడు తన పాయింట్ చెప్పి ఆలోచించుకో అంటూ అక్కడ్నుంచి లేచి వెళ్లిపోయాడు మానస్. దాంతో పింకీ సీరియస్ అయింది. నేను నీతో మాట్లాడుతున్నాను.. నీదైతే నువ్వెళ్లి పోతావా అని ప్ర‌శ్నించింది పింకీ. అవును.. నాదైతే నేను వెళ్లిపోతాను అంటూ మాన‌స్ త‌న‌దైన స్టైల్ కూల్‌గా చెప్పాడు. అక్కడే కాసేపు ఇద్దరి మధ్య మాట‌ల యుద్ధం జరిగింది. ఆ తర్వాత మళ్లీ మానస్ దగ్గరికి వెళ్లి నేను నీతో మాట్లాడతాను అంటూ చెప్పింది పింకీ. దానికి ఏ మాత్రం మొహమాటం లేకుండా మానస్ వద్దంటూ సమాధానమిచ్చాడు.
నేను నీతో మాట్లాడాల‌నుకోవడం లేదంటూ తెగేసి చెప్పాడు మానస్. ఇన్ని రోజులు ఆమెతో మాట్లాడేటప్పుడు ఏమనుకుంటుందో అంటూ కాస్త తగ్గేవాడు మానస్. కానీ ఇప్పుడు అలాంటి మొహమాటాలేం లేకుండా కుండ బద్ధలు కొట్టేశాడు. దాంతో కాసేపు మాన‌స్‌, ప్రియాంక సింగ్ మధ్య మాటల యుద్ధం గ‌ట్టిగానే జరిగింది. ఈ వ్య‌వ‌హారంలో నెటిజ‌న్స్ ఎక్కువ‌గా మాన‌స్‌కే మ‌ద్దతు ప‌లుకుతున్నారు. ఎందుకంటే ఇన్ని రోజులు మానస్ చెప్పినా కూడా వినకుండా పింకీ పెంకితనం చేసేది. కానీ ఇప్పుడు ఫైన‌ల్‌గా ప్రియాంక‌ను మాన‌స్ వదిలించేసుకున్నాడని అర్థమవుతుంది. షో చివరికి వచ్చేటప్పటికీ ఎమోషనల్ బాండింగ్ లేకుండా తన ఆటపై ఫోకస్ చేస్తున్నాడు మానస్.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి