సైకో థ్రిల్లర్‌ కథ

అశోక్‌ కుమార్‌, లీషా ఎక్లెయిర్‌ జంటగా నటిస్తున్న చిత్రం ‘ప్రియమైన ప్రియ’. ఏజే సుజిత్‌ దర్శకుడు. ఈ చిత్ర గీతాల్ని ఇటీవల విడుదల చేశారు.

అశోక్‌ కుమార్‌, లీషా ఎక్లెయిర్‌ జంటగా నటిస్తున్న చిత్రం ‘ప్రియమైన ప్రియ’. ఏజే సుజిత్‌ దర్శకుడు. ఈ చిత్ర గీతాల్ని ఇటీవల విడుదల చేశారు. ప్రముఖ సంగీత దర్శకుడు దేవా కుమారుడు శ్రీకాంత్‌ దేవా స్వరాల్ని సమకూర్చారు. ఈ సందర్భంగా దర్శకుడు మాట్లాడుతూ ‘ సైకో థ్రిల్లర్‌ కథాంశమిది. మ్యూజిక్‌ డైరెక్టర్‌ శ్రీకాంత్‌ దేవాకిది వందో సినిమా. ఆయన చక్కటి పాటల్ని అందించారు’ అని చెప్పారు. ఈ సినిమాలో నటనకు ఆస్కారమున్న మంచి పాత్ర దొరికిందని హీరో అశోక్‌ పేర్కొన్నారు. నిర్మాణ పరంగా చక్కటి నాణ్యతతో ఈ చిత్రాన్ని తెరకెక్కించారని కార్యక్రమానికి అతిథిగా విచ్చేసిన నిర్మాత కె.ఎల్‌.దామోదరప్రసాద్‌ తెలిపారు. ఈ చిత్రానికి కెమెరా: షా, నిర్మాతలు: జె.సుజిత్‌, ఏ.బాబు.