ఫౌజీ కోసం రెండు యూనిట్లు?

అగ్ర హీరో ప్రభాస్‌ నటిస్తున్న భారీ పానిండియా చిత్రం ‘ఫౌజీ’. 1940 నాటి పీరియడ్‌ యాక్షన్‌ థ్రిల్లర్‌ కథాంశంతో రూపొందుతున్న ఈ చిత్రానికి హను రాఘవపూడి దర్శకుడు. ఇమాన్వి కథానాయిక. నవీన్‌ యర్నేని, వై.రవిశంకర్‌ నిర్మాతలు.

అగ్ర హీరో ప్రభాస్‌ నటిస్తున్న భారీ పానిండియా చిత్రం ‘ఫౌజీ’. 1940 నాటి పీరియడ్‌ యాక్షన్‌ థ్రిల్లర్‌ కథాంశంతో రూపొందుతున్న ఈ చిత్రానికి హను రాఘవపూడి దర్శకుడు. ఇమాన్వి కథానాయిక. నవీన్‌ యర్నేని, వై.రవిశంకర్‌ నిర్మాతలు. ఈ ఏడాది ఆగస్ట్‌లో సినిమాను విడుదల చేయాలనే సంకల్పంతో టీమ్‌ ఉన్నది. విడుదల తేదీ దగ్గర పడుతుండటంతో దర్శకుడు హను రాఘవపూడి చిత్రీకరణ విషయంలో వేగం పెంచారు.

ప్రధాన తారాగణంపై కీలక సన్నివేశాలను తాను చిత్రీకరిస్తూ, మరోవైపు సెకండ్‌ యూనిట్‌ని కూడా రంగంలోకి దించారు. ఈ యూనిట్‌ యాక్షన్‌ ఎపిసోడ్స్‌ని షూట్‌ చేస్తున్నది. ‘ఫౌజీ’ కోసం ఒకేసారి రెండు యూనిట్లు పనిచేయడం ఇప్పుడు సినీ వర్గాల్లో చర్చనీయాంశమైంది. ఇలా రెండు యూనిట్లు పనిచేయడం వల్ల ఇన్‌పుట్‌ కూడా క్వాలిటీగా వస్తుందని మేకర్స్‌ అంటున్నారు.

‘ఫౌజీ’ ఓ హృద్యమైన కల్పిత ప్రేమకథ అని. ఇందులో ప్రభాస్‌ బ్రిటీష్‌ ఆర్మీ అధికారిగా కనిపిస్తారని ఇన్‌సైడ్‌ టాక్‌. మిథున్‌ చక్రవర్తి, జయప్రద, అనుపమ్‌ఖేర్‌ కీలక పాత్రలు పోషిస్తున్న ఈ చిత్రానికి కెమెరా: సుదీప్‌ చటర్జీ, సంగీతం: విశాల్‌ చంద్రశేఖర్‌, నిర్మాణం: మైత్రీమూవీమేకర్స్‌.