Prabhas | ప్రభాస్ బర్త్‌డేకు మూడు సినిమాల నుంచి సర్‌ప్రైజ్‌లు .. ఫ్యాన్స్‌కు పండగే..

Prabhas | పాన్ ఇండియా స్టార్ ప్రభాస్ అభిమానులకు అక్టోబర్ 23 ఎంతో ప్రత్యేకమైన రోజు. తమ అభిమాన హీరో పుట్టినరోజు సందర్భంగా ప్రతిసారి ఏదో ఒక ప్రత్యేకమైన కానుక కోసం ఫ్యాన్స్ ఆసక్తిగా ఎదురుచూస్తుంటారు. ఈసారి ప్రభాస్ చేతిలో వరుసగా భారీ ప్రాజెక్టులు ఉండటంతో.. బర్త్‌డే సందర్భంగా మరిన్ని సర్‌ప్రైజ్‌లు వచ్చే అవకాశం ఉందనే ప్రచారం మొదలైంది.

Prabhas | పాన్ ఇండియా స్టార్ ప్రభాస్ అభిమానులకు అక్టోబర్ 23 ఎంతో ప్రత్యేకమైన రోజు. తమ అభిమాన హీరో పుట్టినరోజు సందర్భంగా ప్రతిసారి ఏదో ఒక ప్రత్యేకమైన కానుక కోసం ఫ్యాన్స్ ఆసక్తిగా ఎదురుచూస్తుంటారు. ఈసారి ప్రభాస్ చేతిలో వరుసగా భారీ ప్రాజెక్టులు ఉండటంతో.. బర్త్‌డే సందర్భంగా మరిన్ని సర్‌ప్రైజ్‌లు వచ్చే అవకాశం ఉందనే ప్రచారం మొదలైంది. ప్రస్తుతం ప్రభాస్ ‘ఫౌజీ’, ‘స్పిరిట్’, ‘కల్కి 2898 ఏడీ’ సీక్వెల్ వంటి ప్రతిష్టాత్మక చిత్రాల్లో నటిస్తున్నారు. ఈ మూడు సినిమాలపై ప్రేక్షకుల్లో ఇప్పటికే భారీ అంచనాలు ఉన్నాయి. దీంతో అక్టోబర్ 23న ప్రభాస్ పుట్టినరోజును పురస్కరించుకుని ఈ ప్రాజెక్టులకు సంబంధించి కీలక అప్‌డేట్స్ ఇచ్చేందుకు మేకర్స్ ప్లాన్ చేస్తున్నారనే వార్తలు సోషల్ మీడియాలో చక్కర్లు కొడుతున్నాయి.

ప్రభాస్ అభిమానులు ప్రస్తుతం ఆసక్తిగా ఎదురుచూస్తున్న సినిమాల్లో ‘ఫౌజీ’ ఒకటి. హను రాఘవపూడి దర్శకత్వంలో తెరకెక్కుతున్న ఈ చిత్రంలో ప్రభాస్ విభిన్నమైన పాత్రలో కనిపించనున్నట్లు ఇప్పటికే టాక్ ఉంది. ఇప్పటివరకు సినిమాకు సంబంధించిన వివరాలను మేకర్స్ చాలా పరిమితంగానే వెల్లడించారు. అయితే ప్రభాస్ బర్త్‌డే సందర్భంగా ‘ఫౌజీ’ నుంచి ప్రత్యేక అప్‌డేట్ వచ్చే అవకాశం ఉందని ప్రచారం జరుగుతోంది. ప్రభాస్ కొత్త లుక్‌ను విడుదల చేయడంతో పాటు, సినిమా నేపథ్యాన్ని పరిచయం చేసేలా ప్రత్యేక వీడియో లేదా టీజర్‌ను తీసుకొచ్చే అవకాశం ఉందని సోషల్ మీడియాలో వార్తలు వినిపిస్తున్నాయి. అయితే దీనిపై చిత్రబృందం నుంచి ఇప్పటివరకు అధికారిక ప్రకటన రాలేదు.

ప్రభాస్ అభిమానుల్లో అత్యంత ఆసక్తి రేపుతున్న మరో చిత్రం ‘స్పిరిట్’. సందీప్ రెడ్డి వంగా దర్శకత్వం వహిస్తున్న ఈ సినిమాలో ప్రభాస్ పోలీస్ అధికారిగా కనిపించనున్నారనే విషయం ఇప్పటికే భారీ హైప్‌ను తీసుకొచ్చింది. ప్రభాస్‌ను పోలీస్ గెటప్‌లో తెరపై ఎలా చూపించబోతున్నారు? ఆయన పాత్ర స్వభావం ఎలా ఉంటుంది? అనే విషయాలపై అభిమానుల్లో ఆసక్తి నెలకొంది. ఈ నేపథ్యంలో ప్రభాస్ పుట్టినరోజున ‘స్పిరిట్’ నుంచి ప్రత్యేక టీజర్ లేదా గ్లింప్స్ విడుదల చేసే అవకాశం ఉందనే ప్రచారం సాగుతోంది. నాగ్ అశ్విన్ దర్శకత్వంలో ప్రభాస్ నటించిన ‘కల్కి 2898 ఏడీ’ పాన్ ఇండియా స్థాయిలో భారీ విజయాన్ని అందుకున్న సంగతి తెలిసిందే. దీంతో ఈ చిత్రానికి కొనసాగింపుగా తెరకెక్కనున్న ‘కల్కి 2’పై కూడా భారీ అంచనాలు ఉన్నాయి.‘కల్కి 2’కు సంబంధించి ప్రభాస్ పుట్టినరోజున ఏదైనా ప్రత్యేక ప్రకటన వస్తుందా? అనే ఆసక్తి అభిమానుల్లో కనిపిస్తోంది. ప్రభాస్ ప్రస్తుతం నటిస్తున్న మూడు భారీ చిత్రాలపై అంచనాలు ఉండటంతో.. అక్టోబర్ 23న వరుసగా అప్‌డేట్స్ వస్తే అభిమానులకు పండగే అని చెప్పొచ్చు. ‘ఫౌజీ’ నుంచి కొత్త లుక్ లేదా టీజర్, ‘స్పిరిట్’ నుంచి ప్రభాస్ పోలీస్ పాత్రకు సంబంధించిన గ్లింప్స్, ‘కల్కి 2’ నుంచి ప్రత్యేక ప్రకటన వస్తుందనే ప్రచారం ప్రస్తుతం సోషల్ మీడియాలో జోరుగా సాగుతోంది.