హృదయాన్ని చదివేశా!

ఎదుటివారి వ్యక్తిత్వాలను వారి ముఖకవళికలు, హావభావాల ద్వారా ఇట్టే పసిగట్టేస్తానని చెప్పింది మంగళూరు సోయగం పూజాహెగ్డే. తనలోని ఈ ప్రత్యేక లక్షణం వల్ల సహచర నటీనటులతో ఎలాంటి ఇబ్బంది లేకుండా షూటింగ్‌ జరిగిపోతుందని

ఎదుటివారి వ్యక్తిత్వాలను వారి ముఖకవళికలు, హావభావాల ద్వారా ఇట్టే పసిగట్టేస్తానని చెప్పింది మంగళూరు సోయగం పూజాహెగ్డే. తనలోని ఈ ప్రత్యేక లక్షణం వల్ల సహచర నటీనటులతో ఎలాంటి ఇబ్బంది లేకుండా షూటింగ్‌ జరిగిపోతుందని చమత్కరించింది. హిందీలో ఈ భామ సల్మాన్‌ఖాన్‌ సరసన ‘కభీ ఈద్‌ కభీ దివాళీ’ చిత్రంలో నటించిన విషయం తెలిసిందే. ఈ ఏడాది జనవరిలో విడుదల కావాల్సిన ఈ చిత్రం కొవిడ్‌ ప్రభావంతో డిసెంబర్‌ 30కి వాయిదా పడింది. సల్మాన్‌ఖాన్‌ వంటి స్టార్‌ హీరోతో కలిసి తొలిసారి తెరను పంచుకోవడం జీవితకాల అనుభవమని పూజాహెగ్డే ఆనందం వ్యక్తం చేసింది. ఈ సినిమా కోసం చేసిన ప్రయాణంలో సల్మాన్‌ఖాన్‌ అంతరంగాన్ని అర్థం చేసుకున్నానని చెప్పింది. ఆమె మాట్లాడుతూ ‘సల్మాన్‌ అద్భుతమైన వ్యక్తి. తన మనసులో ఏదీ దాచుకోడు. వ్యక్తులు నచ్చితే వారిని ఎంతగానో గౌరవిస్తాడు. ఆ భావన ఆయన కళ్లలో స్పష్టంగా కనిపిస్తుంది. ఇష్టం లేని మనుషులకు చాలా దూరంగా ఉంటాడు. ఈ సినిమా షూటింగ్‌ సమయంలో ఆయన హృదయాన్ని చదివేశా’ అని చెప్పుకొచ్చింది పూజాహెగ్డే. ప్రస్తుతం ఈ భామ తెలుగులో ‘ఆచార్య’, తమిళంలో ‘బీస్ట్‌’ చిత్రాల్లో నటిస్తున్నది.