Pooja hegde | ప‌వ‌న్ క‌ళ్యాణ్ సినిమా నుంచి త‌ప్పుకున్న పూజాహెగ్డే?

Pooja hegde | ప్ర‌స్తుతం టాలీవుడ్‌లో స్టార్ హీరోయిన్‌గా చ‌క్రం తిప్పుతున్న క‌థానాయిక పూజాహెగ్డే. గ‌తేడాది వ‌రుస హిట్ల‌తో జోరుమీదున్న పూజా ఈ ఏడాది మాత్రం వ‌రుస ఫ్లాప్‌ల‌తో కాస్త నిరాశ చెందింది. కానీ ఈవిడ క్రేజ్ ఏమాత్రం త‌గ్గ‌లేదు. వ‌రుస ఫ్లాప్‌లు వ‌చ్చిన సరే అవ‌కాశాలు క్యూ క‌డుతున్నాయి. ప్ర‌స్తుతం ఈమె చేతిలో నాలుగు సినిమాలున్నాయి. ఇక ఈమె ప‌వ‌న్ క‌ళ్యాణ్ ‘భ‌వ‌దీయుడు భ‌గ‌త్ సింగ్‌’ సినిమాలో హీరోయిన్‌గా ఎంపికైన‌ట్లు వార్త‌లు వ‌చ్చిన విష‌యం తెలిసిందే. అయితే తాజాగా ఈ ప్రాజెక్ట్‌కు సంబంధించిన మ‌రో వార్త‌ నెట్టింట వైర‌ల్‌గా మారింది.

ప్ర‌స్తుతం ప‌వ‌న్ క‌ళ్యాణ్ ‘హ‌రి హ‌ర వీర‌మ‌ల్లు’ షూటింగ్‌లో బిజీగా ఉన్నాడు. ఈ దీని త‌ర్వాత తమిళ రీమేక్ ‘వినోద‌య సిత్తం’ షూటింగ్ ప్రారంభించనున్నాడు. దాంతో ‘భ‌వ‌దీయుడు భ‌గ‌త్‌సింగ్’ పట్టాలెక్క‌డానికి కాస్త స‌మ‌యం ప‌ట్ట‌నుంది. ఈ క్ర‌మంలో పూజా డేట్స్ విష‌యంలో సందిగ్ధ‌త నెల‌కొంది. దాంతో ఈ ప్రాజెక్ట్ నుంచి పూజాహెగ్డే త‌ప్పుకుంటున్న‌ట్లు స‌మాచారం. దీనిపై త్వ‌ర‌లోనే క్లారిటీ వ‌చ్చే అవ‌కాశం ఉంది. ప్ర‌స్తుతం పూజా బాలీవుడ్‌లో ర‌ణ్‌వీర్ సింగ్‌ ‘స‌ర్క‌స్‌’, స‌ల్మాన్‌ఖాన్ ‘క‌బీ ఈద్ క‌బీ దివాళి’ చిత్రాల‌లో న‌టిస్తుంది. ఇక తెలుగులో మ‌హేష్-త్రివిక్ర‌మ్ ప్రాజెక్ట్‌తో పాటు విజ‌య్ ‘జ‌న‌గ‌ణ‌మ‌న‌’లోనూ న‌టించనుంది.

Pooja Hegde Photos