Phalana Abbayi Phalana ammayi Trailer | టాలీవుడ్లో కొన్ని కాంబోలకు మంచి క్రేజ్ ఉంది. వాళ్ల కలయికలో సినిమా వస్తుందంటే ప్రేక్షకులే కాదు సినీ సెలబ్రెటీలు సైతం ఆసక్తితో ఎదురు చూస్తుంటారు. అలాంటి కాంబోలలో శ్రీనివాస్ అవసరాల-నాగశౌర్య కాంబినేషన్ ఒకటి. గతంలో వీళ్ల కలయికలో వచ్చిన ‘ఊహలు గుసగుసలాడే’, ‘జ్యో అచ్యుతానందా’ సినిమాలు కల్ట్ క్లాసిక్స్గా మిగిలిపోయాయి. ఈ రెండు సినిమాలు కమర్షియల్గా భారీ విజయాలు సాధించకపోయినా.. ఇప్పటికీ టీవీల్లో వస్తున్నాయంటే కన్నార్పకుండా చూస్తుంటాం. కాగా ఏడేళ్ల తర్వాత మళ్లీ వీళ్ల కలయికలో ఫలానా అబ్బాయి ఫలానా అమ్మాయి అనే న్యూఏజ్ లవ్స్టోరీ తెరకెక్కుతుంది.
ఇప్పటికే ఈ సినిమా నుంచి రిలీజైన పోస్టర్లు, టీజర్, పాటలు ఇలా ప్రతీది ప్రేక్షకులను విపరీతంగా ఆకట్టుకున్నాయి. ముఖ్యంగా ఫ్యామిలీ ఆడియెన్స్లో ఈ సినిమాపై మంచి బజ్ యే ఉంది. కాగా తాజాగా మేకర్స్ ఈ మూవీ ట్రైలర్ను రిలీజ్ చేశారు. ట్రైలర్లోనే సినిమా స్టోరీని చెప్పేశారు. వివిధ వయసుల్లో హీరో హీరోయిన్ల మధ్య ప్రేమ ఏ విధంగా ఉండబోతుందో అని సినిమాలో చూపించనున్నట్లు ట్రైలర్తోనే స్పష్టం చేశారు. అయితే ఇప్పటికే ఈ కథతో ఎన్నో సినిమాలు వచ్చాయి. మరీ అవసరాల శ్రీనివాస్ ఈ కథను ఇంకా కొత్తగా ఎలా చూపిస్తాడో అనేది రిలీజయ్యాకే చూడాలి. ఊహలు గుసగుసలాడే స్టైల్లోనే ఇందులో కూడా అవసరాల కీలకపాత్ర పోషించినున్నట్లు తెలుస్తుంది. కళ్యాణి మాలిక్ నేపథ్య సంగీతం మంచి ఫీల్ను కలిగిస్తుంది. ముఖ్యంగా సునీల్ కుమార్ సినిమాటోగ్రఫి చాలా బాగుంది.
రోమ్ కామ్ ఎంటర్టైనర్గా తెరకెక్కుతున్న ఈ సినిమాలో నాగశౌర్యకు జోడీగా మాళవికా నాయర్ నటిస్తుంది. పీపుల్ మీడియా ఫ్యాక్టరీ, దాసరి ప్రొడక్షన్స్ బ్యానర్లపై టీ.జి విశ్వప్రసాద్, పద్మజ దాసరి సంయుక్తంగా ఈ సినిమాను నిర్మించారు. ఇక మార్చి 17న ఈ మూవీ గ్రాండ్గా రిలీజ్ కాబోతుంది.