Ram Charan Birthday | టాలీవుడ్ నటుడు, జనసేన అధినేత పవన్ కళ్యాణ్.. గ్లోబల్ స్టార్ రామ్ చరణ్ కి జన్మదిన శుభాకాంక్షలు తెలిపాడు. తండ్రికి తగ్గ తనయుడిగా రాణిస్తున్న చరణ్ రానున్న రోజుల్లో మరిన్ని విజయాలను అందుకోవాలని మనస్ఫూర్తిగా ఆకాంక్షిస్తున్నాను అంటూ ఎక్స్ వేదికగా పోస్ట్ పెట్టాడు.
‘ఆస్కార్ పురస్కారాలు పొందిన చిత్రంలో నటించి గ్లోబల్ స్టార్ స్థాయికి చేరుకున్న రామ్ చరణ్ కు నా హృదయపూర్వక జన్మదిన శుభాకాంక్షలు. సంపూర్ణ ఆనందాన్ని… సుఖ సంతోషాలను అందించాలని భగవంతుణ్ణి ప్రార్ధిస్తున్నాను. దైవ భక్తి మెండుగా ఉన్న చరణ్ ఎప్పుడూ సానుకూల దృక్పథంతో ఆలోచిస్తాడు. పెద్దలు, అనుభవజ్ఞులపట్ల గౌరవమర్యాదలతో ఉంటాడు. కొత్త విషయాలను నేర్చుకోవడంలో ఒక విద్యార్థిలా నడుచుకుంటాడు. అవే శ్రీరామ రక్షగా నిలుస్తాయి… మరింత ఉన్నత స్థాయికి ఎదగటానికి దోహదపడతాయి. తండ్రికి తగ్గ తనయుడిగా ముందుకు వెళ్తున్న చరణ్- రానున్న రోజుల్లో మరిన్ని విజయాలను అందుకోవాలని మనస్ఫూర్తిగా ఆకాంక్షిస్తున్నాను”. ఇట్లు పవన్ కళ్యాణ్ అంటూ పోస్ట్ చేశాడు.
రామ్ చరణ్ మరింత ఉన్నత స్థాయికి ఎదగాలి – JanaSena Chief Shri @PawanKalyan @AlwaysRamCharan #HBDRamCharan #HBDGlobalStarRamCharan pic.twitter.com/TSpL9BsA8c
— JanaSena Party (@JanaSenaParty) March 27, 2024