Pawan Kalyan | పులుల్ని వేటాడే బెబ్బులి… ‘హ‌రిహ‌ర వీర‌మ‌ల్లు’ ట్రైల‌ర్ వ‌చ్చేసింది

Hari Hara Veera Mallu Trailer | ప‌వ‌ర్ స్టార్ ప‌వ‌న్ క‌ళ్యాణ్ అభిమానుల‌తో పాటు మూవీ ల‌వ‌ర్స్ ఎంతో ఆస‌క్తిగా ఎదురుచూస్తున్న హ‌రిహ‌ర వీర‌మ‌ల్లు ట్రైల‌ర్ వ‌చ్చేసింది. తాజాగా ఈ మూవీ ట్రైల‌ర్ మేక‌ర్స్ సోష‌ల్ మీడియా వేదిక‌గా విడుద‌ల చేశారు.

Hari Hara Veera Mallu Trailer | పవర్ స్టార్ పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్న పాన్-ఇండియన్ చిత్రం ‘హరి హర వీర మల్లు: పార్ట్ 1-స్వోర్డ్ వర్సెస్ స్పిరిట్’ పై భారీ అంచనాలు నెలకొన్న విష‌యం తెలిసిందే. జూలై 24, 2025న వ‌ర‌ల్డ్ వైడ్‌గా ఈ సినిమా ప్రేక్ష‌కుల ముందుకు రాబోతుంది. ఈ సంద‌ర్భంగా మూవీ నుంచి మేక‌ర్స్ ట్రైల‌ర్‌ను విడుద‌ల చేశారు.

హిందువుగా జీవించాలంటే ప‌న్ను క‌ట్టాల్సిన స‌మ‌యం. ఈ దేశ శ్ర‌మ బాద్‌షా పాదాల కింద న‌లిగిపోతున్న స‌మ‌యం. ఒక వీరుడు కోసం ప‌కృతి పురుడు పోసుకుంటున్న స‌మ‌యం. అన్న డైలాగ్స్‌తో ఈ ట్రైల‌ర్ మొద‌ల‌వుతుంది. ట్రైల‌ర్ చూస్తుంటే.. 17వ శతాబ్దపు మొఘల్ సామ్రాజ్యం ఔరంగ‌జేబు కాలం నేపథ్యంలో తెరకెక్కిన సినిమాల క‌నిపిస్తుంది. ప‌వ‌న్ క‌ళ్యాణ్ ఇందులో వీరమల్లు అనే యోధుడి పాత్ర‌లో క‌నిపించ‌బోతున్నాడు.

ఈ చిత్రంలో నిధి అగర్వాల్ కథానాయికగా నటిస్తుండగా, బాబీ డియోల్, నాజర్, నార్గిస్ ఫఖ్రీ, అనుపమ్ ఖేర్, సుబ్బరాజు, సునీల్, విక్రమ్‌జీత్ విర్క్, నోరా ఫతేహి తదితరులు కీలక పాత్రల్లో కనిపించనున్నారు. ఈ సినిమాకు జ్యోతి కృష్ణతో పాటు క్రిష్ జగర్లముడి దర్శకత్వం వహించారు. ఎ. దయాకర్ రావు నిర్మిస్తున్న ఈ చిత్రానికి ఎం.ఎం. కీరవాణి సంగీతం అందించగా, మనోజ్ పరమహంస సినిమాటోగ్రఫీ, తోట తరణి ప్రొడక్షన్ డిజైనర్‌గా వ్యవహరించారు. ఎ.ఎం. రత్నం ఈ చిత్రాన్ని సమర్పిస్తున్నారు.