పరమపద సోపానంలో..

‘బిగ్‌బాస్‌' ద్వారా ప్రేక్షకులకు సుపరిచితుడైన అర్జున్‌ అంబటి హీరోగా నటిస్తున్న చిత్రం ‘పరమపద సోపానం’. నాగశివ దర్శకత్వం వహిస్తున్న ఈ చిత్రాన్ని ఎస్‌ఎస్‌ మీడియా పతాకంపై గుడిమిట్ట శివప్రసాద్‌ నిర్మించారు.

‘బిగ్‌బాస్‌’ ద్వారా ప్రేక్షకులకు సుపరిచితుడైన అర్జున్‌ అంబటి హీరోగా నటిస్తున్న చిత్రం ‘పరమపద సోపానం’. నాగశివ దర్శకత్వం వహిస్తున్న ఈ చిత్రాన్ని ఎస్‌ఎస్‌ మీడియా పతాకంపై గుడిమిట్ట శివప్రసాద్‌ నిర్మించారు. జెన్నిఫర్‌ ఇమ్మాన్యుయేల్‌ కథానాయిక. జూలై 11న విడుదలకానుంది. సోమవారం టీజర్‌ను ఆవిష్కరించారు.

ఈ సందర్భంగా దర్శకుడు నాగశివ మాట్లాడుతూ..వినూత్నమైన కథాంశంతో ఈ చిత్రాన్ని రూపొందించామని, ఆద్యంతం అనేక మలుపులతో ఆకట్టుకుంటుందని పేర్కొన్నారు. సినిమాలోని యాక్షన్‌ ఎపిసోడ్స్‌ హైలైట్‌గా నిలుస్తాయని హీరో అర్జున్‌ అంబటి తెలిపారు. తెలుగు ప్రేక్షకులకు కొత్త అనుభూతినందించే చిత్రమిదని నిర్మాత శివప్రసాద్‌ అన్నారు. ఈ చిత్రానికి సంగీతం: డేవ్‌జాండ్‌, కథ, మాటలు, స్క్రీన్‌ప్లే, దర్శకత్వం: నాగశివ.