World Of Vettuvam | పా. రంజిత్ ‘వెట్టువం’ ఫస్ట్ గ్లింప్స్ విడుదల.. మూడు కాలాల కథతో రాబోతున్న భారీ యాక్షన్ చిత్రం!
Vettuvam ZFirst Glimpse | కోలీవుడ్ ప్రముఖ దర్శకుడు పా. రంజిత్ తెరకెక్కిస్తున్న ప్రతిష్టాత్మక చిత్రం ‘వెట్టువం’ (Vettuvam). నీలం ప్రొడక్షన్స్ మరియు లెర్న్ అండ్ టీచ్ ప్రొడక్షన్స్ పతాకాలపై రూపుదిద్దుకుంటున్న ఈ సినిమాకు సంబంధించిన ‘వరల్డ్ ఆఫ్ వెట్టువం’ పరిచయ వీడియోను చిత్రబృందం తాజాగా విడుదల చేసింది.
Vettuvam ZFirst Glimpse | కోలీవుడ్ ప్రముఖ దర్శకుడు పా. రంజిత్ తెరకెక్కిస్తున్న ప్రతిష్టాత్మక చిత్రం ‘వెట్టువం’ (Vettuvam). నీలం ప్రొడక్షన్స్ మరియు లెర్న్ అండ్ టీచ్ ప్రొడక్షన్స్ పతాకాలపై రూపుదిద్దుకుంటున్న ఈ సినిమాకు సంబంధించిన ‘వరల్డ్ ఆఫ్ వెట్టువం’ పరిచయ వీడియోను చిత్రబృందం తాజాగా విడుదల చేసింది. ఆర్య, శోభితా ధూళిపాళ్ల మరియు వి.ఆర్. దినేష్ ప్రధాన పాత్రలలో నటిస్తున్న ఈ చిత్రంపై ప్రస్తుతం భారీ అంచనాలు నెలకొన్నాయి.
పురాతన కాలం, సమకాలీన కాలం మరియు భవిష్యత్తు అనే మూడు వేర్వేరు కాలాల నేపథ్యంలో ఈ సైన్స్ ఫిక్షన్ యాక్షన్ కథ సాగనుంది. ఆదికాల ప్రజల జీవన విధానం నేటి సమాజంపై చూపిన ప్రభావం, ప్రకృతిలో జరిగే పరిణామాలు మరియు భవిష్యత్తులో రాబోయే వినాశకరమైన మార్పులపై ఈ చిత్రం చర్చించనుంది. ఈ మూడు కాలాలలోనూ మానవ జాతిలో ఉండే ఆధిపత్య పోరు, పవర్ పాలిటిక్స్ మరియు “ఈ భూమిని ఎవరు ఏలాలి?” అనే ఘర్షణ చుట్టూ కథ తిరుగుతుంది. ఆహారం లేదా ఆత్మరక్షణ కోసం కాకుండా, వేర్వేరు జాతులు తాము ఏ స్థాయిలో బలశాలురమో నిరూపించుకోవడానికి చేసే పోరాటమే ఈ చిత్ర ప్రధానాంశం.
పురాతన యుద్ధ కళలైన ‘అడిమురై’ మరియు సంప్రదాయ ఆత్మరక్షణ విద్యల ఆధారంగా ఈ చిత్రంలో యాక్షన్ సన్నివేశాలు ఉండబోతున్నాయి. ఇందుకోసం నటీనటులు ప్రత్యేక శిక్షణ కూడా తీసుకున్నారు. చిత్రంలో జరిగే ఒక ప్రత్యేకమైన ‘ఇంద్ర విశా’ పోటీలో గెలిచిన వారికి అత్యున్నత నాయకత్వ పదవి దక్కుతుంది; ఆ అధికారాన్ని దక్కించుకోవడానికి నాయకులు సాగించే భీకర పోరాటం ఈ చిత్రంలో హైలైట్ కానుంది. ‘సర్పట్ట పరంపరై’ తర్వాత పా. రంజిత్, ఆర్య కాంబినేషన్లో వస్తున్న చిత్రం కావడంతో దీనిపై మరింత ఆసక్తి నెలకొంది. ఈ చిత్రంలో కలైయరసన్, మైమ్ గోపి, గురు సోమసుందరం, షబ్బీర్ కల్లరక్కల్, జాన్ విజయ్ తదితరులు ఇతర కీలక పాత్రల్లో నటిస్తున్నారు. జీవీ ప్రకాష్ కుమార్ సంగీతం అందిస్తున్న ఈ సినిమాకు రూపేష్ షాజీ సినిమాటోగ్రఫీ, సెల్వ ఆర్కే ఎడిటింగ్ బాధ్యతలు నిర్వహిస్తున్నారు. ఈ భారీ యాక్షన్ చిత్రాన్ని ఈ ఏడాది డిసెంబర్లో విడుదల చేయడానికి సన్నాహాలు చేస్తున్నారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

