సైకో కిల్లర్‌ వేటలో .. ఆపరేషన్‌ రావణ్‌

రక్షిత్‌ అట్లూరి హీరోగా నటిస్తున్న సస్పెన్స్‌ థ్రిల్లర్‌ ‘ఆపరేషన్‌ రావణ్‌'. వెంకట సత్య దర్శకత్వం వహిస్తున్న ఈ చిత్రాన్ని ధ్యాన్‌ అట్లూరి నిర్మిస్తున్నారు. సంగీర్తన విపిన్‌ కథానాయిక.

రక్షిత్‌ అట్లూరి హీరోగా నటిస్తున్న సస్పెన్స్‌ థ్రిల్లర్‌ ‘ఆపరేషన్‌ రావణ్‌’. వెంకట సత్య దర్శకత్వం వహిస్తున్న ఈ చిత్రాన్ని ధ్యాన్‌ అట్లూరి నిర్మిస్తున్నారు. సంగీర్తన విపిన్‌ కథానాయిక. ఆగస్ట్‌ 2న ప్రేక్షకుల ముందుకురానుంది. బుధవారం ట్రైలర్‌ను హీరో విశ్వక్‌సేన్‌ విడుదల చేశారు. సీరియల్‌ కిల్లర్‌ను పట్టుకునేందుకు చేపట్టే ఆపరేషన్‌ నేపథ్యంలో ట్రైలర్‌ ఆద్యంతం ఆసక్తికరంగా సాగింది.

మన ఆలోచనలే మన వ్యక్తిత్వాన్ని నిర్ణయిస్తాయనే ఇంట్రెస్టింగ్‌ పాయింట్‌తో ఈ సినిమాను రూపొందించానని, మంచి ఆలోచనలు ఉన్న రాముడు దేవుడైతే, చెడు ఆలోచనలు కలిగిన రావణుడు రాక్షసుడయ్యాడనే ఫిలాసఫీతో ఈ సినిమా ఆకట్టుకుంటుందని దర్శకుడు వెంకట సత్య తెలిపారు. సైకో థ్రిల్లర్‌ కథాంశమిదని, ఆద్యంతం ఉత్కంఠభరితమైన మలుపులతో సాగుతుందని హీరో రక్షిత్‌ అట్లూరి పేర్కొన్నారు. ఈ సినిమాలో తాను జర్నలిస్ట్‌ పాత్రలో కనిపిస్తానని కథానాయిక సంగీర్తన విపిన్‌ చెప్పింది. ఈ కార్యక్రమంలో చిత్ర యూనిట్‌ సభ్యులందరూ పాల్గొన్నారు. ఈ చిత్రానికి సంగీతం: శరవణ వాసుదేవన్‌, రచన-దర్శకత్వం: వెంకట సత్య.