మెగాస్టార్ చిరంజీవి (Chiranjeevi) ప్రస్తుతం బ్యాక్ టు బ్యాక్ సినిమాలతో బిజీగా ఉన్నాడు. ఈ చిత్రాల్లో ఒకటి మెగా 154 (Mega 154). బాబీ (కేఎస్ రవీంద్ర) (Bobby) దర్శకత్వం వహించబోతున్న ఈ చిత్రంలో కోలీవుడ్ భామ శృతిహాసన్ ఫీ మేల్ లీడ్ రోల్లో నటించనుంది.ఇప్పటికే దీనికి సంబంధించి ఓ అఫీషియల్ అనౌన్స్ మెంట్ను కూడా చిరు ట్విటర్ లో షేర్ చేసిన విషయం తెలిసిందే. తాజాగా ఈ చిత్రంపై ఓ ఇంట్రెస్టింగ్ అప్డేట్ ఫిలింనగర్లో చక్కర్లు కొడుతోంది. ఈ ప్రాజెక్టులో మాస్ మహారాజా కీలక పాత్రలో నటించబోతున్న సంగతి తెలిసిందే.
మరో ఇంట్రెస్టింగ్ న్యూస్ ఏంటంటే..తమిళ సోయగం నివేదా పేతురాజ్ (Nivetha Pethuraj) కూడా కీ రోల్లో కనిపించనుందట. తాజా గాసిప్ప్రకారం నివేదా పేతురాజ్ ఈ క్రేజీ చిత్రంలో రవితేజ (Ravi Teja) కు జోడీగా కనిపించనుందట. మైత్రీ మూవీ మేకర్స్ నిర్మించబోతున్న ఈ చిత్రం అత్యంత భారీ బడ్జెట్తో తెరకెక్కనుంది. సెన్సేషనల్ మ్యూజిక్ డైరెక్టర్ దేవీ శ్రీ ప్రసాద్ సంగీతాన్ని అందించబోతున్నాడు.
పక్కా మాస్ ఎంటర్టైనర్గా రాబోతున్న ఈ మూవీపై మరిన్ని వివరాలపై త్వరలో క్లారిటీ ఇవ్వనుంది బాబీ టీం. మరోవైపు చిరు ప్రస్తుతం మోహన్ రాజా డైరెక్షన్లో గాడ్ ఫాదర్ సినిమా షూటింగ్తో బిజీగా ఉన్నాడు. ముంబైలో షూటింగ్ జరుగుతుండగా..బాలీవుడ్ స్టార్ హీరో సల్మాన్ ఖాన్ సెట్స్ లో జాయిన్ అయ్యాడు.