Robinhood | డిసెంబర్‌లో నితిన్‌ ‘రాబిన్‌హుడ్‌’.. ప్రకటించిన మైత్రీ మూవీ మేకర్స్‌

నితిన్‌ కథానాయకుడిగా నటిస్తున్న తాజా చిత్రం ‘రాబిన్‌హుడ్‌'. వెంకీ కుడుముల దర్శకత్వం వహిస్తున్నారు. మైత్రీ మూవీ మేకర్స్‌ పతాకంపై నవీన్‌ యెర్నేని, వై.రవిశంకర్‌ నిర్మిస్తున్నారు.

Robinhood | నితిన్‌ కథానాయకుడిగా నటిస్తున్న తాజా చిత్రం ‘రాబిన్‌హుడ్‌’. వెంకీ కుడుముల దర్శకత్వం వహిస్తున్నారు. మైత్రీ మూవీ మేకర్స్‌ పతాకంపై నవీన్‌ యెర్నేని, వై.రవిశంకర్‌ నిర్మిస్తున్నారు. ఈ చిత్రాన్ని డిసెంబర్‌ 20న విడుదల చేయబోతున్నట్లు మేకర్స్‌ ప్రకటించారు. ఈ సందర్భంగా కొత్త పోస్టర్‌ను విడుదల చేశారు.

ఇందులో నితిన్‌ స్పోర్ట్స్‌ బైక్‌ మీద ైకూర్చొని స్టెలిష్‌గా ఉన్నారు. ఈ సినిమాలో నితిన్‌ దొంగ పాత్రలో కనిపిస్తారని, . హ్యూమరస్‌ యాక్షన్‌ ఎంటర్‌టైనర్‌గా ఆకట్టుకుంటుందని, నితిన్‌ క్యారెక్టర్‌ టీజర్‌కు మంచి స్పందన లభించిందని చిత్ర బృందం పేర్కొంది. రాజేంద్రప్రసాద్‌, వెన్నెల కిషోర్‌ తదితరులు నటిస్తున్న ఈ చిత్రానికి సినిమాటోగ్రఫీ: సాయిశ్రీరామ్‌, సంగీతం: జీవీ ప్రకాష్‌కుమార్‌, ఆర్ట్‌: రామ్‌కుమార్‌, రచన-దర్శకత్వం: వెంకీ కుడుముల.