China Piece Teaser | చైనా పీస్ టీజర్ రిలీజ్.. ఇంప్రెస్ అయిన సందీప్ కిషన్

China Piece Teaser | నిహాల్ కోధాటి, సూర్య శ్రీనివాస్ హీరోలుగా అక్కి విశ్వనాధ రెడ్డి దర్శకత్వంలో రూపొందుతున్న యూనిక్ స్పై డ్రామా 'చైనా పీస్'. ఈ సినిమా టీజర్‌ను శనివారం నాడు రిలీజ్ చేశారు.

China Piece Teaser | నిహాల్ కోధాటి, సూర్య శ్రీనివాస్ హీరోలుగా అక్కి విశ్వనాధ రెడ్డి దర్శకత్వంలో రూపొందుతున్న యూనిక్ స్పై డ్రామా ‘చైనా పీస్’. మూన్ లైట్ డ్రీమ్స్ బ్యానర్‌లో తెరకెక్కిన ఈ చిత్రంలో కమల్ కామరాజు, రఘు బాబు, రంగస్థలం మహేశ్, శ్రీనివాస్ వడ్లమాని, శ్రీకాంత్ అయ్యంగార్ కీలక పాత్ర పోషించారు. ఇప్పటికే ఈ సినిమా ప్రమోషనల్ కంటెంట్ మంచి బజ్ ని క్రియేట్ చేసింది. మేకర్స్ శనివారం ఈ సినిమా టీజర్‌ను రిలీజ్ చేశారు. పీపుల్ స్టార్ సందీప్ కిషన్ టీజర్ లాంచ్ ఈవెంట్ కి ముఖ్య అతిధిగా విచ్చేసి టీజర్‌ను లాంచ్ చేశారు.

టీజర్ లాంచ్ ఈవెంట్‌లో పీపుల్ స్టార్ సందీప్ కిషన్ మాట్లాడుతూ.. టీమ్ అందరితో కలిసి ఈ టీజర్‌ను సెలబ్రేట్ చేసుకోవడం సంతోషంగా ఉందని అన్నారు. నేను ఈవెంట్‌కు రావడానికి కారణం నిహాల్. తను టీజర్ పంపించాడు. నాకు చాలా నచ్చింది. తను సినిమాని ప్రేక్షకుల వద్దకు చేరవేయాలనే ఆరాటం నాకు చాలా నచ్చింది. ఒక సినిమాను తీసి రిలీజ్ చేయడమే పెద్ద సక్సెస్. ప్రేక్షకులకు సినిమా నచ్చితే అదంతా బోనస్ అని భావించాలి. మన ఆలోచనల్ని దేశం మొత్తం చెప్పడానికి బెస్ట్ ప్రాసెస్ సినిమానే. ఫేమస్ అవ్వాలనుకుంటే రీల్స్ చేసి కూడా ఫేమస్ అవ్వచ్చు. ఇది ఒక స్పై ఫిల్మే కాదు స్పై కామెడీ, సీరియస్ కామెడీ కూడా ఉంది. దర్శకుడు ఈ కథని నమ్మాడు. నమ్మింది చిత్రీకరించాడు నిహాల్ సూర్య వీళ్ళందరిలోనూ ఒక నిజాయితీ ఉంది. తప్పకుండా ఆ నిజాయితీని మనందరం అప్రిషియేట్ చేయాలి. ఒక కొత్త ఫిలిం మేకర్స్ కొత్త నటించినప్పుడు ఆ సినిమాకు వెళ్లి వాళ్ళ ఆలోచన ని చూడడం ఒక బ్యూటిఫుల్ ఎక్స్పీరియన్స్. టీమ్ అందరికీ ఆల్ ది వెరీ బెస్ట్. టీజర్ చాలా బాగుంది. సినిమా కూడా చాలా బాగుంటుందని కోరుకుంటున్నా’ అని అన్నారు.

డైరెక్టర్ విశ్వనాథరెడ్డి మాట్లాడుతూ.. చాలా ఫ్యాషన్ తో ఈ సినిమాని క్రియేట్ చేశాను. కమల్ కామరాజ్ కూడా ఈ సినిమాకి చాలా కాంట్రిబ్యూట్ చేశారు. ఆయన ఎక్స్పీరియన్స్ ని మాతో షేర్ చేసుకున్నారు. ఒక దేశభక్తి సినిమా తీస్తూ చైనా పీస్ అనే పేరు పెట్టడం వెరీ చాలెంజింగ్. మేము అన్ని విభాగంలోనూ జాగ్రత్తలు తీసుకుని చాలా చక్కగా ఈ సినిమాని తీర్చిదిద్దాం. సినిమాను ఆడియన్స్ లోకి తీసుకెళ్లడానికి మీ అందరి సపోర్టు కావాలని కోరుకుంటున్నాను’ అని అన్నారు.

హీరో నిహాల్ మాట్లాడుతూ.. నేను నటించిన ఒక సినిమా చూసి సందీప్ కిషన్ నా భుజాన చేయవేసి చాలా చక్కగా చేశావని మెచ్చుకున్నారు. ఆ క్షణం నేను మర్చిపోలేను. కష్టపడి సినిమాలు చేస్తే కచ్చితంగా సక్సెస్ వస్తుందనే దానికి సందీప్ కిషన్ నిదర్శనం. తప్పకుండా ఆయనే మా సినిమా టీజర్‌ను రిలీజ్ చేయాలని నేను బలంగా కోరుకున్నాను. ఆయన ఈ లాంచ్ రావడం నాకు చాలా గొప్ప ఆనందాన్ని ఇచ్చింది. నేను జగడంతో పాటు దాదాపు 20 సినిమాలు కి చైల్డ్ ఆర్టిస్ట్ గా వర్క్ చేశాను. అవన్నీ కూడా స్కూల్ బంక్ కొట్టడానికి చేశాను. కానీ యాక్టింగ్ అంటే మజా వచ్చింది. ఒక నమ్మకంతో మళ్లీ సినిమా ఇండస్ట్రీలోకి వచ్చాను. సినిమా చేతికి రావడానికి రెండేళ్లు పట్టింది. నిజంగా కలలుకని దానికి 100% కష్టపడితే గొప్ప పనులన్నీ జరుగుతాయనే నమ్మకం కుదిరింది. ఒక్కొక్క సినిమా ఒక కొత్త వాయిస్ ని తీసుకురావాలి. డైరెక్టర్ విశ్వనాథ్ ఈ సినిమాతో అలాంటి ఒక కొత్త వాయిస్ ని తీసుకొస్తారు. తనకు కావాల్సింది వచ్చేంతవరకు ఎక్కడ రాజీపడరు. గ్రేట్ రైటింగ్ స్ట్రాంగ్ ఎమోషన్స్ తో ఒక సాలిడ్ కమర్షియల్ సినిమాలో ఎన్ని ఎలిమెంట్స్ ఉండాలో అన్ని రకాల ఎలిమెంట్స్ ఈ సినిమాలో ఉన్నాయి. తప్పకుండా ఈ సినిమా మీ అందరికీ నచ్చుతుంది’అన్నారు.