Visit:
Spirit | డార్లింగ్ ప్ర‌భాస్ వైవిధ్య‌మైన సినిమాల‌తో ప్రేక్ష‌కులని అల‌రించే ప్ర‌య‌త్నం చేస్తున్నారు. ప్ర‌స్తుతం ఆయ‌న ఖాతాలో అర‌డ‌జ‌నుకి పైగా ప్రాజెక్టులు ఉన్నాయి. మారుతితో రాజా సాబ్‌.. హను రాఘవపూడి దర్శకత్వంలో ఫౌజీ అనే సినిమా చేస్తున్నారు. ఈ సినిమాలు ఫినిష్ అయ్యాక సందీప్ రెడ్డితో ‘స్పిరిట్’ చిత్రం చేయనున్నారు. ఈ మూవీ పూర్తి అయ్యాక త నాగ్‌ అశ్విన్‌ తో కల్కి – 2 , ప్రశాంత్‌ నీల్‌తో సలార్ 2.. అలానే యంగ్‌ డైరెక్టర్‌ ప్రశాంత్‌ వర్మతో ఒక సినిమా చేయ‌నున్న‌ట్టు స‌మాచారం. అయితే ఈ ప్రాజెక్ట్స్‌లో సందీప్ రెడ్డి వంగాతో చేయ‌నున్న ప్రాజెక్ట్‌పై అంచ‌నాలు భారీగా ఉన్నాయి. ఈ చిత్రాన్ని సందీప్ ఏ జాన‌ర్‌లో తెర‌కెక్కిస్తాడా అని అంద‌రు ఆస‌క్తిగా ఎదురు చూస్తున్నారు.
ఈ చిత్రంలో ప్ర‌భాస్ పోలీస్ ఆఫీస‌ర్‌గా క‌నిపించ‌నున్న‌ట్టు స‌మాచారం. ఇక ప్ర‌భాస్‌కి జోడీగా దీపిక ప‌దుకొనేని తీసుకోవాల‌ని సందీప్ అనుకున్నాడ‌ట. అయితే ఆమె డిమాండ్లు క‌ళ్లు భైర్లు క‌మ్మేలా ఉన్నాయ‌ని టాక్ వినిపిస్తోంది. సందీప్ వంగా దర్శకత్వం వ‌హించ‌నున్న `స్పిరిట్` కోసం దీపిక‌ని సంప్ర‌దించగా, ఆమె భారీ పారితోషికంతో పాటు, పెద్ద మొత్తంలో షేర్ ని డిమాండ్ చేసిందని, పైగా 8 గంటలు మాత్ర‌మే ప‌నికి కేటాయిస్తాన‌ని కండీష‌న్స్ కూడా పెట్టింద‌ని స‌మాచారం. అయితే ఇక్క‌డ మ‌రో ట్విస్ట్ ఏంటంటే.. ఆమె ఇచ్చిన ఎనిమిది గంట‌ల‌లో రెండు గంటలు జర్నీకే స‌రిపోతే మిగిలిన ఆరు గంటలు మాత్ర‌మే సెట్స్‌లో ఉంటుంది.
దీపిక కండీష‌న్స్‌కి బాగా హ‌ర్ట్ అయిన సందీప్ రెడ్డి వంగా కొత్త హీరోయిన్‌ని వెతికే ప‌నిలో ఉన్నాడ‌ట. నిజానికి ప్ర‌భాస్- దీపిక కాంబినేష‌న్ కుదిరితే స్పిరిట్ బాక్సాఫీస్ రికార్డులను బద్దలు కొడుతుందని అంతా అనుకున్నారు. కాని దీపిక ఇటీవ‌ల పండంటి ఆడ‌బిడ్డ‌కు జ‌న్మ‌నిచ్చింది. ఆమెతో ఎక్కువ స‌మ‌యం గ‌డ‌పాల‌ని దీపిక అనుకుంటుంది. అందుకే టైం విష‌యంలో అంత స్ట్రిక్ట్‌గా కండీష‌న్స్ పెడుతుంద‌ని అంటున్నారు. మ‌రి ప్ర‌స్తుతం దీపిక‌కి సంబంధించి జ‌రుగుతున్న ప్ర‌చారాల‌లో వాస్త‌వం ఏంట‌న్న‌ది తెలియాల్సి ఉంది. తాజాగా అందుతున్న స‌మాచారం ప్ర‌కారం దీపిక స్థానంలో అనుష్క‌ని తీసుకోవాల‌ని భావిస్తున్న‌ట్టు టాక్
