Visit:
నీహాల్‌ కోదాటి, ద్రిషిక చందర్‌ జంటగా నటిస్తున్న సినిమా ‘బ్యూటిఫుల్‌ గర్ల్‌’. జన్‌ నెక్ట్‌ మూవీస్‌ పతాకంపై ప్రసాద్‌ తిరువల్లూరి, పుష్యమి ధవళేశ్వరపు నిర్మిస్తున్నారు. రవిప్రకాష్‌ బోడపాటి దర్శకుడు. ప్రస్తుతం పోస్ట్‌ ప్రొడక్షన్‌ కార్యక్రమాలు జరుపుకుంటున్నది.
తాజాగా ఈ చిత్ర ఫస్ట్‌ లుక్‌ విడుదల కార్యక్రమాన్ని హైదరాబాద్‌లో నిర్వహించారు. నాయిక అనుపమా పరమేశ్వరన్‌ ఫస్ట్‌ లుక్‌ను రిలీజ్ చేశారు. ఆమె మాట్లాడుతూ…‘ఈ సంస్థలో ‘బటర్‌ఫ్లై’ అనే చిత్రంలో నటించాను. మంచి కథల్ని తెరకెక్కించేందుకు ఈ టీమ్‌ ప్రయత్నిస్తుంటుంది.
ఈ చిత్రం కూడా అలాంటి మంచి సినిమా అవుతుంది’ అని చెప్పింది. ‘ఒక కొత్త కాన్సెప్ట్‌తో ఈ చిత్రాన్ని రూపొందించాం. త్వరలో ఓటీటీలో విడుదల చేయబోతున్నాం. ఆకట్టుకునేలా ఒక అందమైన అమ్మాయి కథను తెరకెక్కించాం’ అన్నారు దర్శకుడు రవిప్రకాష్‌ బోడపాటి.
