Nayanthara | న‌య‌నతార విష‌యంలో అవ‌న్నీ పుకార్లే

November 11, 2021 / 02:56 AM IST

Nayanthara | షారుఖ్‌ఖాన్‌ కథానాయకుడిగా నటిస్తున్న యాక్షన్‌ ఎంటర్‌టైనర్‌ సినిమాతో దక్షిణాది అగ్రనాయిక నయనతార బాలీవుడ్‌లోకి అరంగేట్రం చేస్తున్న విషయం తెలిసిందే. అట్లీ ఈ చిత్రానికి దర్శకత్వం వహిస్తున్నారు. సెప్టెంబర్‌లో ఈ సినిమా సెట్స్‌పైకివచ్చింది. పూణేలో కొద్ది రోజులు షూటింగ్‌ చేశారు. అనూహ్యంగా షారుఖ్‌ తనయుడు ఆర్యన్‌ డ్రగ్స్‌ కేసులో అరెస్ట్‌ కావడంతో చిత్రీకరణ నిలిచిపోయింది. ఈ నేపథ్యంలో డేట్స్‌ సర్దుబాటుకాకపోవడంతో నయనతార ఈ సినిమా నుంచి తప్పుకోన్నట్లు కొన్నాళ్లుగా ప్రచారం జరుగుతుంది. వాటిని నయనతార టీమ్‌ ఖండించారు.

నయనతార సినిమా నుంచి వైదొలిగినట్లు వస్తున్న వార్తలు అవాస్తవమని చెప్పారు. ఈ సినిమాలో ఇన్వెస్టిగేటివ్‌ పోలీస్‌ ఆఫీసర్‌గా చాలెంజింగ్‌ పాత్రలో నయనతార కనిపించబోతున్నట్లు తెలిపారు. అక్రమనేరాలతో జైలుపాలైన కొందరు మహిళల్ని సన్మార్గంలో నడిపించే వ్యక్తిగా షారుఖ్‌ఖాన్‌ ద్విపాత్రాభినయం చేయబోతున్నట్లు తెలిసింది. త్వరలో తిరిగి షూటింగ్‌ను పునఃప్రారంభించబోతున్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి