NayanThara – Vignesh Shivan | స్టార్ కపుల్స్ నయనతార, విగ్నేష్ శివన్ విడిపోతున్నట్లు సోషల్ మీడియాలో వార్తలు వైరల్ అయినా విషయం తెలిసిందే. రీసెంట్గా నయనతార తన ఇన్స్టాగ్రామ్ అకౌంట్ నుంచి విగ్నేష్ శివన్ని అన్ ఫాలో చేయడంతో వీరిద్దరు విడాకులు తీసుకోబోతున్నారని ప్రచారం జరిగింది. అయితే ఈ రూమర్స్కు తాజాగా చెక్ పెడుతూ నయనతార తిరిగి విఘ్నేశ్ను ఫాలో అవుతుంది. అలాగే, విఘ్నేశ్ (Vignesh Shivan) ఆమె ఫొటోను ఇన్స్టా స్టోరీలో షేర్ చేశారు. దీంతో ఈ వ్యవహారానికి ముగింపు పడింది. ఇక సాంకేతిక లోపం వల్ల ఇలా జరిగినట్లు సమాచారం.
నయనతార, విగ్నేష్ శివన్లు ఏడేళ్లపాటూ ప్రేమించుకుని పెద్దల అంగీకారంతో 2022 జూన్లో పెళ్లి చేసుకున్నారు. ఇక పెళ్లికంటే ముందే సరోగసి ద్వారా ఇద్దరు పిల్లలకు తల్లి దండ్రులు అయ్యారు.