SSMB 29 | అప్పుడు ప్రభాస్.. ఇప్పుడు మహేశ్ బాబు.. ఎస్‌ఎస్‌ఎంబీ 29 క్రేజీ వార్తేంటో తెలుసా..?

SSMB 29 | తెలుగు, తమిళంతోపాటు పాన్ ఇండియా స్థాయిలో గుర్తింపు ఉన్న అతికొద్ది మంది సీనియర్ యాక్టర్లలో ఒకరు నాజర్ (Nassar‌). ఈ టాలెంటెడ్‌ లెజెండరీ యాక్టర్‌కు సంబంధించిన ఆసక్తికర వార్త నెట్టింట వైరల్ అవుతోంది.

July 9, 2024 / 12:19 PM IST

SSMB 29 | అప్పుడు ప్రభాస్.. ఇప్పుడు మహేశ్ బాబు.. ఎస్‌ఎస్‌ఎంబీ 29 క్రేజీ వార్తేంటో తెలుసా..?

SSMB 29 | తెలుగు, తమిళంతోపాటు పాన్ ఇండియా స్థాయిలో గుర్తింపు ఉన్న అతికొద్ది మంది సీనియర్ యాక్టర్లలో ఒకరు నాజర్ (Nassar‌). ఈ టాలెంటెడ్‌ లెజెండరీ యాక్టర్‌కు సంబంధించిన ఆసక్తికర వార్త నెట్టింట వైరల్ అవుతోంది. బాహుబలి సినిమా టైంలో ప్రభాస్‌కు, ఆర్‌ఆర్‌ఆర్‌ టైంలో జూనియర్ ఎన్టీఆర్‌, రాంచరణ్‌కు ట్యూటర్‌గా వ్యవహరించిన నాజర్‌ ఇప్పుడు మరో పాన్ ఇండియా సినిమాకు పనిచేయబోతున్నాడన్న వార్త ఇండస్ట్రీ సర్కిల్‌లో హాట్‌ టాపిక్‌గా మారింది.

ఇంతకీ ఆ సినిమా ఏంటో ఇప్పటికే అర్థమై ఉంటుంది. టాలీవుడ్ సూపర్ స్టార్ మహేశ్ బాబు (Maheshbabu)- ఎస్‌ఎస్‌ రాజమౌళి (SS Rajamouli) నుంచి రాబోతున్న గ్లోబల్ అడ్వెంచరస్‌ ప్రాజెక్ట్‌ ఎస్‌ఎస్‌ఎంబీ 29 (SSMB 29). ఈ చిత్రంలో మహేశ్ బాబు పాత్ర డైలాగ్‌ డెలివరీ మాండలికం, పదాల ఉచ్చరణ వంటి అంశాలను నాజర్‌ దగ్గరుండి చూసుకోబోతున్నారన్న వార్త ఒకటి ఫిలింనగర్ సర్కిల్‌లో రౌండప్ చేస్తోంది.

ఆఫ్రికన్‌ అడ్వెంచరస్‌ ప్రాజెక్ట్‌గా ఇంటర్నేషనల్‌ యాక్షన్‌ డ్రామా నేపథ్యంలో రాబోతున్న ఈ చిత్రాన్ని దుర్గా ఆర్ట్స్ బ్యానర్‌పై కేఎల్‌ నారాయణ అత్యంత భారీ బడ్జెట్‌తో తెరకెక్కిస్తున్నారు. ఈ చిత్రంలో హాలీవుడ్ స్టార్‌తో వివిధ భాషలకు చెందిన నటీనటులు కనిపించబోతున్నారని ఇన్‌సైడ్‌ టాక్‌. ఈ మూవీలో ఎక్కువ భాగం అమెజాన్ ఫారెస్ట్‌లో షూట్ చేయబోతున్నారని వార్తలు వస్తుండగా.. దీనిపై మేకర్స్‌ నుంచి క్లారిటీ రావాల్సి ఉంది.

ఈ చిత్రాన్ని 2027 మొదటి త్రైమాసికంలో ప్రపంచవ్యాప్తంగా గ్రాండ్‌గా విడుదల చేయాలని జక్కన్న టీం ప్లాన్ చేస్తుంది. ఇక ఈ సినిమా కోసం మహేశ్ బాబు ఇప్పటికే లాంగ్‌ హెయిర్‌తో స్టైలిష్ లుక్‌లోకి మేకోవర్‌ అయ్యాడని ప్రత్యేకించి చెప్పనవసరం లేదు.