వేసవిలో వస్తున్న ఆయ్‌

నార్నే నితిన్‌, నయన్‌ సారిక జంటగా నటిస్తున్న చిత్రం ‘ఆయ్‌'. అంజి కంచిపల్లి దర్శకత్వం వహిస్తున్న ఈ చిత్రాన్ని అల్లు అరవింద్‌ సమర్పణలో జీఏ2 పిక్చర్స్‌ పతాకంపై బన్నీ వాసు, విద్య కొప్పినీడి నిర్మిస్తున్నారు.

నార్నే నితిన్‌, నయన్‌ సారిక జంటగా నటిస్తున్న చిత్రం ‘ఆయ్‌’. అంజి కంచిపల్లి దర్శకత్వం వహిస్తున్న ఈ చిత్రాన్ని అల్లు అరవింద్‌ సమర్పణలో జీఏ2 పిక్చర్స్‌ పతాకంపై బన్నీ వాసు, విద్య కొప్పినీడి నిర్మిస్తున్నారు. షూటింగ్‌ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి. వేసవిలో ప్రేక్షకుల ముందుకురానుంది.

ఈ సందర్భంగా సోమవారం దర్శకనిర్మాత, నాయకానాయికల మధ్య జరిగిన సరదా ఫోన్‌ సంభాషణతో టైటిల్‌ను ప్రకటించారు. గోదావరి జిల్లాల ప్రజలు తరచుగా ఉపయోగించే ‘ఆయ్‌’ పదం నేపథ్యంలో ఈ సంభాషణ నవ్వుల్ని పూయించింది. ఈ సినిమా ఫస్ట్‌లుక్‌ను ఈ నెల 7న విడుదల చేయబోతున్నామని, యూత్‌ఫుల్‌ ఎంటర్‌టైనర్‌గా ఈ సినిమా ఆకట్టుకుంటుందని నిర్మాత బన్నీ వాసు తెలిపారు. ఈ చిత్రానికి సినిమాటోగ్రఫీ: సమీర్‌ కల్యాణి, సంగీతం: రామ్‌ మిర్యాల, ఎగ్జిక్యూటివ్‌ ప్రొడ్యూసర్‌: అజయ్‌ గద్దె, దర్శకుడు: అంజి కంచిపల్లి.