Ante Sundaraniki | ‘అంటే సుంద‌రానికీ’ ప్రోమో సాంగ్ రిలీజ్‌.. సిగ్నెచ‌ర్ స్టెప్స్‌తో అద‌ర‌గొడుతున్న‌ నాని, న‌జ్రియా

Ante Sundaraniki Promo Song | నాని.. తెలుగు ప్రేక్ష‌కుల‌కు బాగా ఇష్ట‌మైన పేరు. రొటీన్‌కు భిన్నంగా సినిమాల‌ను చేస్తూ ప్రేక్ష‌కుల‌ను థియేట‌ర్ల‌కు ర‌ప్పిస్తుంటాడు. ఈయ‌న సినిమా వ‌స్తుందంటే ప్రేక్ష‌కులు కూడా మ‌రో ఆలోచ‌న లేకుండా థియేట‌ర్ల‌కు వెళ్తుంటారు. ఎందుకుంటే ఈయ‌న సినిమాలు కుటుంబం అంతా క‌లిసి చూసేలా ఉంటాయి. ఫ‌లితంతో సంబంధంలేకుండా కొత్త క‌థ‌ల‌ను ప్రేక్ష‌కుల‌కు ప‌రిచ‌యం చేస్తూ ఏటా ఒక‌టి, రెండు సినిమాల‌తో సినీ ప్రేమికుల‌ను ఎంట‌ర్టైన్ చేస్తుంటాడు. ప్ర‌స్తుతం ఈయ‌న న‌టించిన లేటెస్ట్ చిత్రం ‘అంటే సుంద‌రానికీ’. వివేక్ ఆత్రేయా ద‌ర్శ‌క‌త్వం వ‌హించిన ఈ చిత్రం జూన్ 10న విడుద‌ల కానుంది. ఈ క్ర‌మంలో చిత్ర‌బృందం ప్ర‌మోష‌న్ల‌ను జోరుగా జ‌రుపుతుంది.

తాజాగా ప్రేక్ష‌కులు ఎంత‌గానో ఎదురు చూస్తున్న అంటే సుంద‌రానికీ ప్రోమో సాంగ్‌ను మేక‌ర్స్‌ విడుద‌ల చేశారు. రామ‌జోగ‌య్య శాస్త్రీ సాహిత్యం అందించిన ఈ పాటను దిగ్గ‌జ సింగ‌ర్ శంక‌ర్ మ‌హ‌దేవ‌న్‌, శ్వేత మోహ‌న్‌లు ఆల‌పించారు. వివేక్ సాగ‌ర్ స్వ‌ర ప‌రిచిన ఈ పాట మంచి జోష్ ఇస్తుంది. అటు హిందు సాంప్ర‌దాయాల‌తో ఇటు క్రిస్టియ‌న్ సాంప్ర‌దాయ‌ల‌తో పెళ్ళిని ఈ పాట‌లో చ‌క్క‌గా చూపించారు. నికేత్ బొమ్మి సినిమ‌టోగ్రాఫి బాగుంది. మైత్రి సంస్థ నిర్మించిన ఈ చిత్రంలో నానికి జోడీగా న‌జ్రియా హీరోయిన్‌గా న‌టించింది. న‌జ్రియా తెలుగులో న‌టించిన‌ మొద‌టి చిత్రం ఇదే కావ‌డం విశేషం. ఈ చిత్రంలో నాని బ్ర‌హ్మ‌ణుడి పాత్ర‌లో న‌టించ‌గా, న‌జ్రియా క్రిస్టియ‌న్ అమ్మాయిగా న‌టించింది. కామెడీ ఎంట‌ర్టైన‌ర్‌గా తెర‌కెక్కిన‌ ఈ చిత్రం తెలుగుతో పాటు త‌మిళ్‌, మ‌ల‌యాళ భాష‌ల్లో ఏక‌కాలంలో విడుద‌ల కానుంది.