దైవ రహస్య ఛేదనలో నాగబంధం

విరాట్‌కర్ణ హీరోగా నటిస్తున్న మైథలాజికల్‌ యాక్షన్‌ డ్రామా ‘నాగ బంధం’. అభిషేక్‌ నామా దర్శకుడు. మహాశివరాత్రి సందర్భంగా ఈ నెల 15న సినిమా టీజర్‌ను విడుదల చేయబోతున్నారు. ‘పురాతన ఆలయంలో రహస్య నిధిని రక్షించే మహా సర్పం చుట్టూ నడిచే కథాంశమిది.

విరాట్‌కర్ణ హీరోగా నటిస్తున్న మైథలాజికల్‌ యాక్షన్‌ డ్రామా ‘నాగ బంధం’. అభిషేక్‌ నామా దర్శకుడు. మహాశివరాత్రి సందర్భంగా ఈ నెల 15న సినిమా టీజర్‌ను విడుదల చేయబోతున్నారు. ‘పురాతన ఆలయంలో రహస్య నిధిని రక్షించే మహా సర్పం చుట్టూ నడిచే కథాంశమిది. భారతదేశంలోని చారిత్రాత్మక విష్ణు దేవాలయాల నేపథ్యంలో ఆద్యంతం ఉత్కంఠను పంచుతుంది.

ఓ దైవిక రహస్యాన్ని ఛేదిస్తూ ప్రేక్షకులకు ఆధ్యాత్మిక అనుభూతిని అందిస్తుంది. విజువల్స్‌ అబ్బురపరుస్తాయి’ అని చిత్రబృందం పేర్కొంది. నిర్మాణం తుదిదశకు చేరుకుందని, ఈ వేసవిలో పాన్‌ ఇండియా స్థాయిలో విడుదల చేస్తామని మేకర్స్‌ తెలిపారు. నభా నటేష్‌, ఐశ్వర్య మీనన్‌, జగపతిబాబు, జయప్రకాష్‌ తదితరులు నటిస్తున్న ఈ చిత్రానికి కెమెరా: సౌందర్‌ రాజన్‌, సంగీతం: అభే, జునైద్‌ కుమార్‌, నిర్మాతలు: కిషోర్‌ అన్నపురెడ్డి, నిషిత నాగిరెడ్డి, కథ, స్క్రీన్‌ప్లే, దర్శకత్వం: అభిషేక్‌ నామా.