Naga Shaurya | నాగశౌర్య, మాళవిక నాయర్ జంటగా నటిస్తున్న చిత్రం ‘ఫలానా అబ్బాయి ఫలానా అమ్మాయి’. శ్రీనివాస్ అవసరాల దర్శకత్వం వహిస్తున్నారు. టీజీ విశ్వప్రసాద్, పద్మజ దాసరి నిర్మాతలు. మార్చి 17న ప్రేక్షకుల ముందుకురానుంది. తాజాగా ఈ చిత్రంలోని ‘కనుల చాటు మేఘమా’ అనే తొలిగీతాన్ని గురువారం విడుదల చేశారు. కల్యాణి మాలిక్ స్వరపరచిన ఈ గీతాన్ని లక్ష్మీభూపాల్ రచించారు. అభాస్ జోషి ఆలపించారు. దర్శకుడు మాట్లాడుతూ ‘లక్ష్మీభూపాల్గారు సందర్భానికి తగినట్లు అర్థవంతమైన సాహిత్యంతో గీత రచన చేశారు.
చక్కటి మెలోడీతో అందరిని ఆకట్టుకునే పాట ఇది. అందమైన ప్రేమకథగా ఈ చిత్రం ప్రతి ఒక్కరిని మెప్పిస్తుంది’ అని చెప్పారు. సంగీత దర్శకుడిగా తన ఇరవై ఏళ్ల ప్రయాణంలో ఈ పాట ఎంతగానో సంతృప్తినిచ్చిందని కల్యాణి మాలిక్ సంతోషం వ్యక్తం చేశారు. శ్రీనివాస్ అవసరాల, మేఘచౌదరి, అశోక్కుమార్, అభిషేక్ మహర్షి, శ్రీవిద్య తదితరులు నటిస్తున్న ఈ చిత్రానికి కెమెరా: సునీల్కుమార్ నామ, సంగీతం: కల్యాణి మాలిక్, వివేక్ సాగర్, సహనిర్మాత: వివేక్ కూఛిబొట్ల, కథ, స్క్రీన్ప్లే, సంభాషణలు, దర్శకత్వం: శ్రీనివాస్ అవసరాల.